پاکستان سپر لیگ (پی ایس ایل) کے 9 ویں ایڈیشن میں پاکستان کرکٹ ٹیم کےسابق کپتان بابراعظم 569 رنز بناکر ٹاپ اسکورر رہے۔ پی ایس ایل کے دوسرے ایلیمنیٹر میں پشاور زلمی کی ناکامی سے قطع نظر سابق کپتان نے 11 اننگز میں یہ کارنامہ انجام دیا، مجموعی طور پر ایونٹ کی تاریخ میں کسی ایک ایڈیشن میں زیادہ رنز بنانے کے معاملے میں انھیں اس کاوش نے دوسرے نمبر پر بھی پہنچا دیا، فخر زمان 2022 میں 588 رنز جوڑ کر سرِفہرست ہیں۔
Babar Azam has had quite a #PSL2024 season 🫡 pic.twitter.com/UkM80l55v6
— ESPNcricinfo (@ESPNcricinfo) March 16, 2024
رواں ایڈیشن میں انفرادی بیٹنگ میں ملتان سلطانز کے کپتان اور قومی وکٹ کیپر بیٹرمحمد رضوان بھی اب تک 11 اننگز میں 381 رنز بنا کر دوسری پوزیشن پر ہیں۔ آج اسلام آباد یونائیٹڈ کے خلاف فائنل میں ممکنہ طور پر اس میں اضافہ ممکن ہوگا۔
عثمان خان 6 مواقع ملنے پر 373 رنز بناکر تیسرے نمبر پرہیں، ریسی وان ڈیرڈوسن نے 7 اننگز میں 364 رنز اپنے نام درج کرائے ہیں، زلمی کے اوپنر صائم ایوب 11 اننگز میں 345 رنز بناکر ٹاپ 5 کے شریک بنے ہوئے ہیں۔
