پاکستان سمیت دنیا بھر میں آج 15 رمضان المبارک کو یتیموں کا عالمی دن منایا جاتا ہے۔ آج کا دن گلگت بلتستان میں وزیراعلیٰ گلگت بلتستان کے ہدایات پر سرکاری سطح پر منایا گیا اور غیر سرکاری فلاحی ادارے الخدمت فاونڈیشن کی جانب سے ریلی کی نکالی گئی۔
مزید پڑھیں
یتیم بچوں کے سر سے باپ کا سایہ اٹھ جانے کے بعد معاشرے کے افراد کو یتیم بچوں کے سر پر دست شفقت رکھنے کے حوالے سے آگاہی دینے کے لیے ہر سال ماہ مقدس 15 رمضان المبارک کو یتیموں کے عالمی دن کے مناسب سے منایا جاتا ہے۔
اس دن کے حوالے الخدمت اور ریڈ فاونڈیشن کی جانب سے سپریم اپیلیٹ کورٹ سے گلگت بلتستان اسمبلی تک ریلی نکالی گئی جس میں تعلیمی اداروں کے طلبہ سمیت زندگی کے مختلف شعبوں سے تعلق رکھنے والے افراد شریک ہوئے۔ شائنگ سٹارز کے لیے افطار کا اہتمام بھی کیا گیا ہے۔
