کسان کارڈ پر نوازشریف کی تصویر لگانے کا اقدام لاہور ہائیکورٹ میں چیلنج کردیا گیا، درخواست شہری مشکور حسین نے ندیم سرور ایڈووکیٹ کی وساطت سے دائرکی ہے، درخواست میں وزیر اعلیٰ پنجاب، پنجاب حکومت اور نواز شریف کو فریق بنایا گیا ہے۔
مزید پڑھیں
اسلام آباد ہائیکورٹ میں دائر کی جانے والی درخواست میں موقف اپنایا گیا ہے کہ وزیراعلیٰ مریم نواز نے نواز شریف کی تصویر کے ساتھ کسان کارڈ کی منظوری دی ہے۔ پبلک فنڈز ذاتی تشہیر کے لیے استعمال نہیں ہوسکتے۔
درخواست گزار کے مطابق کسان کارڈ پر نواز شریف کی تصویر لگانا آئین اور قانون کی خلاف ورزی ہے۔ قومی خزانے کو ذاتی تشہیر کے لیے استعمال کرنا سپریم کورٹ کے فیصلوں کی بھی خلاف ورزی ہے۔
درخواست گزار نے استدعا کی کہ لاہور ہائیکورٹ پنجاب حکومت کو نواز شریف کی تصویر والے کسان کارڈ جاری کرنے سے روکے۔ کسان کارڈ پر نواز شریف کی تصویر لگانے پر آنے والے اخراجات نواز شریف سے وصول کیے جائیں۔
یہ بھی استدعا کی گئی کہ لاہور ہائیکورٹ درخواست کے حتمی فیصلے تک کسان کارڈ کی پرنٹنگ روکنے کا حکم دے۔
