امریکی ریاست فلوریڈا میں داڑھی اور مونچھوں کی قومی چیمپیئن شپ میں شرکت کرنے والوں نے داڑھی، مونچھوں اور جزوی داڑھی کی لمبائی کے 3 گنیز ورلڈ ریکارڈ توڑ ڈالے۔
سالانہ ایونٹ، جو ہر سال بیئرڈ ٹیم یو ایس اے کی جانب سے مختلف جگہوں پر منعقد کیا جاتا ہے، اس سال کے میزبان شہر ڈیٹونا بیچ میں مین اسٹریٹ پیئر پر شرکا نے 3 ریکارڈ قائم کیے ہیں۔
مزید پڑھیں
چیمپیئن شپ کے شرکا نے سب سے پہلے سب سے لمبی داڑھی رکھنے کے مقابلے میں حصہ لیا۔
چیمپیئن شپ مقابلے میں حصہ لینے والوں کو ایک ساتھ قطار میں کھڑا کیا گیا، چیمپیئن شپ میں شریک افراد کے بالوں کو ایک ساتھ 86 افراد کی زنجیر میں جوڑا گیا، جس کی کل پیمائش 195 فٹ اور 3 انچ لمبی ریکارڈ کی گئی۔
اس کے بعد منتظمین نے مونچھوں کی طویل ترین زنجیر کا ریکارڈ بنانے کی کوشش کی، جس میں 27 شرکاء نے 20 فٹ اور 4 انچ کا ریکارڈ توڑ لمبائی ریکارڈ کروائی۔
آخری ریکارڈ، داڑھی کی طویل ترین زنجیر میں صرف وہ شرکاء شامل تھے جن میں جزوی داڑھی شامل تھی۔
داڑھی کی جزوی زنجیر میں 24 شرکاء شامل تھے، ان کی لمبائی 42 فٹ اور 8 انچ ریکارڈ کی گئی۔ جبکہ تینوں ریکارڈ بنانے کی کوششیں کامیاب رہیں۔
بیئرڈ ٹیم یو ایس اے کے تخلیقی ڈائریکٹر برائن نیلسن نے گنیز ورلڈ ریکارڈز کو بتایا کہ میرے خیال میں یہ گنیز ورلڈ ریکارڈز کے لیے آئیڈیل ہیں۔
