صدر مملکت آصف علی زرداری کی جانب سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے اسٹریٹجک اداروں کے نامور سائنسدانوں اور انجینیئرز کو شاندار خدمات پر سول ایوارڈز سے نوازا ہے۔
پاک فوج کے شعبہ تعلقات عامہ (آئی ایس پی آر) کے مطابق چکلالہ گیریژن راولپنڈی میں ہونے والی تقریب میں اسٹریٹجک اداروں کے 35 افسران کو ایوارڈز سے نوازا گیا۔
آئی ایس پی آر کے مطابق 7 افسران کو ستارہ امتیاز سے نوازا گیا، 15 افسران کو صدارتی ایوارڈ برائے پرائیڈ آف پرفارمنس اور 13 افسران کو تمغہ امتیاز عطا کیا گیا۔
مزید پڑھیں
اس موقع پر چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے سائنسدانوں اور انجینیئرز کی خدمات کو سراہا اور خراج تحسین پیش کیا۔
جنرل ساحر شمشاد مرزا نے سائنسدانوں اور انجینیئرز کو مخاطب کرتے ہوئے کہاکہ آپ نے قوم کی بنیادوں کو مضبوط کرنے کے لیے بے لوث کردار ادا کیا ہے اور اس کے لیے ہم ہمیشہ آپ کے مقروض ہیں۔
