سیکیورٹی فورسز نے شمالی وزیرستان میں کامیاب آپریشن کے دوران دہشتگردوں کے ٹھکانوں کا پتا لگاتے ہوئے 6دہشتگردوں کو ہلاک کر دیا ہے۔
مزید پڑھیں
پاک فوج کے محکمہ تعلقات عامہ (آئی ایس پی آر) کی جانب سے جاری بیان میں بتایا گیا ہے کہ سیکیورٹی فورسز نے ضلع شمالی وزیرستان میں3 اور4 مئی کی درمیانی شب خفیہ معلومات پر مبنی آپریشن (آئی بی او) کے دوران فائرنگ کے تبادلے کے دوران 6 دہشتگردوں کو ہلاک اور ان کے ٹھکانوں کو تباہ کر دیا ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آپریشن کے دوران پاک فوج اور دہشتگردوں کے درمیان شدید فائرنگ کا تبادلہ بھی ہوا۔ ہلاک ہونے والے دہشتگرد سیکیورٹی فورسز کے خلا ف دہشتگردی کی متعدد سرگرمیوں کے ساتھ ساتھ علاقے میں معصوم شہریوں کی ٹارگٹ کلنگ میں بھی سرگرم رہے۔
پاک فوج کے شعبہ تعلقات عامہ کے مطابق سیکیورٹی فورسز کی جانب سے علاقے میں کلیئرنس آپریشن جاری ہے۔ مسلح افواج ملک سے دہشتگردی کی لعنت کے خاتمے کے لیے پرعزم ہیں۔
