ماہرہ خان اور انور مقصود کی دلچسپ گفتگو سوشل میڈیا پر ٹرینڈ کرنے لگی

معروف پاکستانی اداکارہ ماہرہ خان نے ایک تقریب میں اردو کے معروف اسکرپٹ رائٹر انور مقصود کے ساتھ دلچسپ گفتگو کی ہے جس میں سیاستدانوں اور سیاسی جماعتوں کو بھی موضوع بحث بنایا گیا ہے، اب یہ گفتگو سوشل میڈیا پر ٹرینڈ کررہی ہے۔

معروف شاعر اور مزاح نگار انور مقصود نے ماہرہ خان سے پوچھا کہ پاکستان میں تین بڑی سیاسی جماعتیں ہیں آپ کس کی طرف ہیں؟ تو ماہرہ خان نے ’مبہم‘ جواب دیتے ہوئے کہا کہ میں ’پٹھان‘ کی طرف ہوں، مطلب ان کا جواب تحریک انصاف اور عمران خان کے حق میں تھا۔

مائرہ خان کا کل خان صاحب کے حق میں ٹوئیٹ دیکھا۔
آج جب ان سے سوال ہوا کہ اپ کس کی طرف ہیں؟
خود ہی انکا جواب سن لیں۔#mahirakhan pic.twitter.com/cpX46Hg1wF

— Talha (@_talhahashmi) March 20, 2023

ماہرہ خان نے سوشل میڈیا پر ٹرولنگ کے حوالے سے گفتگو کرتے ہوئے کہا کہ لوگ کمپیوٹر کے آگے بیٹھے لوگوں کے خلاف لکھ رہے ہوتے ہیں مگر میرا خیال ہے کہ وہی شخص جو آپ کی ٹرولنگ کر رہا ہے اگر آپ کے سامنے آجائے تو کبھی بھی آپ کے ساتھ بدتمیزی نہیں کرے گا ۔

ماہرہ خان نے کہا کہ سوشل میڈیا پر ہر کسی کا تصدیق شدہ ’ٹک والا اکاؤنٹ‘ ہونا چاہیے جہاں اکاؤنٹ کی تصدیق کے لیے ساری تفصیل شیئر کرنا پڑتی ہے تو پھر کسی کی مجال نہیں ہوگی کہ کسی کے خلاف کچھ لکھے۔

If everyone was verified on social media, they would be thinking of their own respect before trolling anyone, said @mahirahkhan at An Evening With Mahira Khan, hosted by Anwar Maqsood at the Arts Council in Karachi on Sunday.#mahirakhan #mahirkhan #mahirakhanfans #MK pic.twitter.com/bLX2aFdSqH

— NSays (@NaylaAmir) March 20, 2023

میں وزیراعظم بن جاؤں تو سارے بے ایمانوں کو معاف کردوں، انور مقصود

تقریب کےدوران ماہرہ خان نے انور مقصود کی جانب بھی ایک سوال داغ دیا کہ اگر آپ وزیراعظم بن جائیں تو کیا کریں گے؟ جس پر انور مقصود نے کہا کہ میں سارے بے ایمانوں کو معاف کردوں گا کیوں کہ اگر ریاست مدینہ بن گئی تو 23 کروڑ کی آبادی میں سے 19 کروڑ کے ہاتھ کٹے ہوئے ہوں گے۔

During a live interview, Mahira Khan asked Anwar Maqsood what his course of action would be on being elected as our country's Prime Minister. #MahiraKhan #AnwarMaqsood (📸: ACP Karachi) pic.twitter.com/4HZrOP6UOM

— Galaxy Lollywood (@galaxylollywood) March 20, 2023

ماہرہ خان نے اپنی سیاسی گفتگو کو آگے بڑھاتے ہوئے کسی کا نام لیے بغیر تنقید کرتے ہوئے کہا کہ آج مجھے سمجھ نہیں آتی کہ یہ کیا ہورہا ہے کہ دو عورتیں ہیں وہ آپس میں لڑرہی ہیں اور چیخ رہی ہیں تو انور مقصود نے کہا کہ وہ دو عورتیں تو مریم نواز اور مریم اورنگزیب ہیں اور ساتھ ہی کہا میں نے صرف مثال دی ہے ، میں کسی کے خلاف بات نہیں کرسکتا کیوں کہ مجھ پر سیاسی بات کرنے پر پابندی عائد ہے۔