جنوبی وزیرستان کے علاقے انگور اڈا میں دہشت گردوں کے ساتھ فائرنگ کے تبادلے میں آئی ایس آئی کے بریگیڈیئر مصطفیٰ کمال برکی شہید ہوگئے جبکہ 7 جوان زخمی ہوگئے ہیں جن میں سے 2 کی حالت تشویشناک ہے۔
انٹر سروسز پبلک ریلیشنز (آئی ایس پی آر) کے مطابق آئی ایس آئی کے بریگیڈیئر مصطفی ٰ کمال برکی نے دہشت گردوں کے خلاف بھرپور مزاحمت کی اور اس دوران اپنے فرض کی ادائیگی کے دوران شہید ہوگئے۔
بریگیڈیئر مصطفیٰ کمال برکی نے آرمی پبلک سکول (اے پی ایس ) حملے میں ملوث دہشتگردوں کے خاتمے میں بھی کردار ادا کیا تھا۔
آئی ایس پی آر کے مطابق پاکستان کی افواج اور انٹیلی جنس ایجنسیاں ملک کے چپے چپے کی حفاظت اور دہشت گردی کے خاتمے کے بھرپور عزم کا اظہار کرتی ہیں۔