صبورعلی بھی ان مشہور شخصیات کی فہرست میں شامل ہوگئی ہیں جنہیں دبئی کا گولڈن ویزا مل گیا ہے۔
ڈرامہ سیریل ‘فطرت‘ میں منفی اداکاری کے جوہر دکھانے والی اداکارہ نے گولڈن ویزا حاصل کرنے کی خوشخبری انسٹاگرام پر ایک پوسٹ کے ذریعے مداحوں کے ساتھ شیئر کی۔
مزید پڑھیں
تصویر میں اداکارہ بے حد خوش نظر آئیں جس کے کیپشن میں انہوں نے لکھا کہ ’دبئی کا شکریہ جسے میں اب اپنا گھر کہہ سکتی ہوں، آخر کار مجھے گولڈن ویزا مل گیا۔‘پوسٹ میں انہیں یو اے ای حکام سے گولڈن ویزا وصول کرتے ہوئے دیکھا جاسکتا ہے۔
اداکارہ نے اس ویزے کا حصول ممکن بنانے کے لیے محمد معظم قریشی کو ٹیگ کر کے ان کا شکریہ بھی ادا کیا۔ دبئی میں مقیم پاکستانی شہری محمد معظم اب تک درجنوں معروف شخصیات کو دبئی کا گولڈن ویزا دلوا چکے ہیں۔
خیال رہے کہ پاکستانی شوبز سے تعلق رکھنے والے افراد کی ایک طویل فہرست ہے جنہوں نے گولڈن ویزا حاصل کرلیا ہے اور صبور علی ان میں تازہ ترین اضافہ ہیں۔
View this post on Instagram