حج درخواستوں کی وصولی 16 مارچ کو شروع ہوئی جو 31 مارچ تک بغیر کسی وقفے کے جاری رہے گی۔ تمام بنکوں کی مخصوص برانچیں آج اتوار کو بھی حج درخواستیں قبول کررہی ہیں۔
وزارت مذہبی امور کے مطابق اسٹیٹ بنک آف پاکستان بھی اس حوالے سے سرکلر جاری کر چکا ہے۔ تمام کمرشل بنکوں کو ہدایت کی گئی ہے کہ وہ 26 مارچ کو حج درخواستوں کے لئے برانچز کھلی رکھیں۔
اسٹیٹ بنک آف پاکستان نے یہ سرکلر وزارت مذہبی امور کی درخواست پر جاری کیا ہے۔ سرکلر کا مقصد حج پر جانے کے خواہش مند افراد کو سہولت فراہم کرنا ہے۔
سرکاری حج اسکیم کے تحت 22 مارچ تک 26 ہزار سے زائد درخواستیں موصول ہوچکی ہیں۔ جبکہ سپانسر شپ سکیم کے تحت بیرون ملک سے ڈالر منگوانے والے درخواست گذاروں کی تعداد 2 ہزار سے زائد ہو چکی ہے۔
