پاکستانی کرکٹ ٹیم کے سابق کپتان اور آل راؤنڈر شاہد آفریدی کی برمنگھم میں ایک ویڈیو وائرل ہورہی ہے جس میں کچھ لوگ ان کے خلاف شیم شیم کے نعرے لگارہے ہیں۔
وائرل ویڈیو میں شاہد آفریدی کو ایک دکان سے باہر آتے ہوئے دیکھا جاسکتا ہے اور انہیں دیکھتے ہی لوگوں کا ہجوم ان کے ساتھ تصویر بنوانے کے لیے اکٹھا ہوگیا۔ انہی لوگوں میں کچھ ایسے بھی تھے جنہوں نے اچانک شیم شیم کے نعرے لگانا شروع کردیے۔
برمنگھم میں لوگوں نے شاہد آفریدی کا سافٹوئیر اپڈیٹ کر دیا، شیم شیم کے نعرے
pic.twitter.com/BtkStd60iK— Mian Umar Jamil (@mianumarjamil) July 9, 2024
ویڈیو پر صارفین کی جانب سے مختلف ردِعمل کا اظہار کیا جارہا ہے۔ فرحان ورک نے تحریک انصاف کے ورکرز کو تنقید کا نشانہ بناتے ہوئے لکھا کہ اس ویڈیو میں صرف ایک ضمیر فروش تحریک انصاف کا ممبر دور سے کیمرہ پکڑ کر شاہد آفریدی کو گالیاں نکال رہا ہے جبکہ باقی تمام لوگ شاہد آفریدی سے محبت کررہے ہیں۔ انہوں نے شاہد آفریدی کی تعریف کرتے ہوئے لکھا کہ ان کا ظرف دیکھیں کہ انہوں نے اس ضمیر فروش سے بھی ہاتھ ملایا۔
شاہد آفریدی کو بدنام کرنے کی تحریک انصاف کی ایک اور کوشش ناکام 🚨🚨
اس ویڈیو میں صرف ایک ضمیر فروش تحریک انصاف کا ممبر دور سے کیمرہ پکڑ کر شاہد آفریدی کو گالیاں نکال رہا ہے
جبکہ سب لوگ شاہد آفریدی سے محبت کر رہے ہیں
لیکن آفریدی کا ظرف دیکھیں کہ اس ضمیر فروش سے بھی ہاتھ ملایا https://t.co/nG7yMxuFSf
— Dr Farhan K Virk (@FarhanKVirk) July 9, 2024
محمد آیان لکھتے ہیں کہ شاہد آفریدی سے سیاسی اختلاف تو کرسکتے ہیں لیکن اس حد تک گر جانا کہ ان کے لیے شیم شیم کے نعرے لگانے شروع کردیے جائیں یہ بہت نا مناسب عمل ہے۔
یہ سوفٹویر اپڈیٹ نہیں ہوتی یہ اپنے ماں باپ کے بد اخلاق ادمی ہے۔۔اور زالیل ہوگے وقت کے ساتھ۔شاہد آفریدی کے ساتھ سیاسی اختلافات کرسکتے ہیں لیکن اس حد تک گرنا بہت ہی نامناسب بات ہے۔۔
— Muhammad Ayaan (@Ayaan770) July 9, 2024
ایک صارف نے لکھا کہ شاہد آفریدی ہمارے قومی ہیرو ہیں اور برمنگھم میں پاکستان کی نمائندگی کررہے ہیں ان کے ساتھ اس طرح کا سلوک ناقابلِ قبول ہے۔
یہ ہمارے قومی ہیرو ہیں اور یہاں پر پاکستان کو ریپریزینٹ کر رہے ہیں
— mohammad irfan awan (@ifeeawan) July 9, 2024
خیال رہے کہ شاہد آفریدی چیمپیئنز لیگ کھیلنے کے سلسلے میں اس وقت برطانیہ میں ہیں۔ پاکستان چیمپیئنز اس ٹورنامنٹ میں بہترین کھیل پیش کررہی ہے اور اپنے چاروں میچ جیت کے ایونٹ کے سیمی فائنل تک بھی پہنچ گئی ہے۔
