ٹی وی اداکارہ کبریٰ خان سے ملاقات کی خواہش میں گھر چھوڑنے والی 13 سالہ لڑکی کو لاہور پولیس نے کراچی سے بحفاظت بازیاب کرالیا ہے۔
13 سالہ لائبہ عمران معروف ٹی وی اداکارہ کبریٰ خان کی فین ہے، جو گھر میں کسی کو بتائے بغیر 3 لاکھ روپے لے کر کراچی چلی گئی تھی، جسے لاہور پولیس نے بروقت کارروائی کرتے ہوئے ہیومن انٹیلیجنس سمیت جدید ٹیکنالوجی کی مدد بازیاب کرالیا ہے۔
یہ بھی پڑھیں: مہوش حیات اور کبریٰ خان کے خلاف سوشل میڈیا مہم چلانے کا کیس، ڈپٹی ڈائریکٹر سائبر کرائم طلب
تفصیلات کے مطابق ایس ایس پی انویسٹی گیشن ڈاکٹر انوش مسعود چوہدری کےنوٹس پربروقت کارروائی کرتے ہوئے انچارج انویسٹی گیشن فیصل ٹاؤن محمدولید نے پولیس ٹیم کے ہمراہ لائبہ عمران کو 72 گھنٹوں میں کراچی سےبازیاب کرایا ہے۔
ایس ایس پی انویسٹی گیشن ڈاکٹر انوش مسعود چوہدری نے اپنے دفتر میں بچی کو والدین کے سپرد کر دیا ہے۔
