حال ہی میں دانیہ شاہ سے شادی کرنے والے وکیل شہزاد احمد نے وزیراعلیٰ پنجاب مریم نواز سے انوکھی فرمائش کی ہے۔
سوشل میڈیا پر اپنے ویڈیو پیغام میں شہزاد احمد نے کہا کہ وہ وزیراعلیٰ پنجاب مریم نواز کے شکر گزار ہیں کہ انہوں نے ان کی بات کا مان رکھا اور میاں چنوں میں ارشد ندیم کے گھر کا چکر لگایا، اس کو 10 کروڑ دیے اور اس کے گھر کی حالت ایک ہی دن میں بدل ڈالی، اس کو گاڑی بھی دی۔
’میں آپ کو سیلوٹ پیش کرتا ہوں، شکریہ ادا کرتا ہوں، میرا گھر یہاں نزدیک تھا، اگر آپ 2 منٹ آجاتی تو کیا ہوجاتا، میں نے بھی تیر مارا ہے، چوتھی شادی کی ہے جس سے پوری دنیا میں ہل چل مچ گئی ہے۔‘
ارشد ندیم کے گھر جاسکتی تھیں تو میرے گھر بھی آجائیں، میں نے بھی تیر مارا ہے چوتھی شادی کی ہے، دانیہ شاہ کے شوہر کا مریم نواز سے مطالبہ
😂😂 pic.twitter.com/Rgp7KvBZNM— Merwise khan (@merwise99) August 17, 2024
انہوں نے مریم نواز کے نام پیغام میں کہا کہ یہ کوئی معمولی بات نہیں ہے، آپ میرے گھر آجاتی، 2 ہزار روپے مجھے دے جاتی، میری بھی بات بن جاتی، اب میں آپ کو مدعو کررہا ہوں، آپ سجا آباد آئیں، یہاں 2 کام رکے ہوئے ہیں، ایک بستی ملوک روڑ کا مسئلہ ہے، جو کئی ہزار سال سے ٹوٹی ہوئی ہے، برباد ہوئی پڑی ہے یہاں کی عوام، لیڈر یہاں کے آپس میں لڑے ہوئے ہیں۔
شہزاد احمد نے کہا کہ ایک یہ بستی ملوک روڑ بنوا دیں، دوسرا چیک آر ایس والا فلائی اوور بنوا دیں، وہاں ریلوے لائن ہے، ریلوے والے فلائی اوور نہیں بننے دے رہے۔
’میرے یہ 2 کام کر دیں، میں آپ کے آگے ہاتھ جوڑتا ہوں، منت کرتا ہوں، سماجت کرتا ہوں، آپ کا احسان ہوگا، اگر آپ آکر میری شادی میں شرکت کرلیں گی تو میں سمجھوں گا کہ آپ نے کوئی بہت بڑا تیر مار لیا ہے۔‘
انہوں نے کہا کہ وہ ارشد ندیم سے بھی بات کریں گے کہ وہ ایک لاکھ روپے ارشد ندیم کو دے آئے تھے، جو اپنے ہمسائے سے ادھار لیے تھے، تاکہ ان کی واہ واہ ہوجائے۔’اب آپ کا فوٹو لگ گیا ہے، لہذا میرا ایک لاکھ روپیہ واپس دے جائیں۔‘
