بھارت کے مہاراجا ٹرافی کے میچ میں انوکھا ریکارڈ قائم ہوا ہے، جب ٹی20 کرکٹ میچ کا فیصلہ 1 کے بجائے 3 سپر اوور پر کرنا پڑا۔
بنگلورو بلاسٹرز اور ہبلی ٹائیگرز کے درمیان کھیلا گیا میچ مقررہ اوورز میں برابر رہا، ہبلی ٹائیگرز کے 164 رنز کے ٹارگٹ کے جواب میں بنگلورو بلاسٹرز بھی 164 رنز ہی بنا سکی۔ پہلے 2 سپر اوورز تک میچ کا فیصلہ نہ ہوسکا تو تیسرا سپر اوور کروانا پڑا، پہلے سپر اوور میں دونوں ٹیمیں10، 10 رنز بنا سکیں۔
مزید پڑھیں:پاکستان کو سپر اوور میں شکست دینے والا سوربھ نیتراولکر کون ہے؟
دوسرے سپر اوور میں ہبلی ٹائیگرز کے 8 رنز کے ٹارگٹ کے جواب میں بنگلورو بھی 8 ہی رنز بنانے میں کامیاب ہوئی جبکہ تیسرے سپر اوور میں بنگلورو کے 12 رنز کے جواب میں ہبلی ٹائیگرز نے آخری گیند پر کامیابی حاصل کی۔
ٹی20 کرکٹ میں 1 میچ میں پہلی بار 3 سپر اوورز کروانے پر یہ انوکھا ریکارڈ قائم ہوا ہے۔
