پاکستان میں ایئرلائنز کے انتظامی مسائل، طیاروں کی کمی اور موسم کی خرابی کے باعث ملک میں 24 سے زیادہ ملکی و غیرملکی پروازیں تاخیر کا شکار جبکہ 3 پروازیں منسوخ کردی گئیں۔
میڈیا رپورٹس کے مطابق، ملک کے 3 بڑے شہروں اسلام آباد، لاہور اور کراچی سے 3 پروایں منسوخ کی گئیں، پی آئی کی لاہور سے شارجہ جانے والی پرواز پی کے 185 اور اسلام آباد سے سکھر جانے والی پرواز پی کے 632 منسوخ کی گئی ہیں۔
یہ بھی پڑھیں: ملک بھر میں بارشوں کے باعث 30 پروازوں کا شیڈول بری طرح متاثر
علاوہ ازیں، کراچی سے دبئی، بغداد، استنبول، فیصل آباد اور لاہور کی پروازوں کے علاوہ نجف، دبئی، جدہ، مدینہ اور مسقط سے پاکستان آنے والی پروزیں ایک گھنٹہ تاخیر کا شکار ہیں۔
لاہور سے کویت سٹی، اسلام آباد سے شارجہ، کراچی، ابوظہبی، استنبول کی پروازوں میں بھی ایک سے ڈیڑھ گھنٹہ جبکہ اسلام آباد سے لندن جانے والی پرواز میں ڈھائی گھنٹے کی تاخیر ہے۔ جدہ سے فیصل آباد، کراچی، دبئی، پشاور اور راسخ الخیمہ کی پروازوں میں بھی ڈیڑھ گھنٹے کی تاخیر ہے۔
