پشاور میں شوکت خانم اسپتال کا ڈاکٹر اغوا ہوگیا، پولیس کے مطابق ڈاکٹر اپنی گاڑی میں ڈیوٹی کے لیےصبح گھر سے نکلا تھا کہ نواحی علاقہ سربند اچینی روڈ سے نامعلوم افراد نے اغوا کرلیا۔
پشاور پولیس کے مطابق واقعے کی اطلاع ملتے ہی جائے وقوعہ پر پہنچے اور تحقیقات کا آغاز کیا، جائے وقوعہ سے گاڑی اور موبال فون ملا ہے۔ تاہم، مقدمہ درج کرلیا گیا ہے۔
مزید پڑھیں: پشاور میں اغوا کے لیے آنے والے خود اغوا ہوگئے، ویڈیو وائرل
ابتدائی معلومات کے مطابق والد نے اپنے بیان میں بتایا کہ گھر سے نکلنے کے 15منٹ بعد کسی نے کال کی کہ آپ کے بیٹے کی گاڑی روڈ پر اسٹارٹ کھڑی ہے۔ جس پر پولیس کو کال کی اور پولیس نے جائے وقوعہ پر پہنچ کر چیزوں کو قبضے میں لے لیا۔
سربند پولیس نے مغوی ڈاکٹر کے والد کی مدعیت میں مقدمہ درج کرکے، مغوی کی بازیابی کے لیے کوششیں شروع کردیں۔
