ایکس اکاؤنٹ سےدھمکی آمیز پوسٹ شیئر ہونے پر ایف آئی اے کی ٹیم پاکستان تحریک انصاف کے بانی چیئرمین عمران خان سے پوچھ گچھ کے لیے اڈیالہ جیل روانہ ہوگئی۔
یہ بھی پڑھیں: جیل سے باہر آکر تمہیں اور چیئرمین نیب کو نہیں چھوڑوں گا، عمران خان کی نیب تفتیشی آفیسر کو دھمکی
یاد رہے کہ بانی پی ٹی آئی کے اپنے ایکس اکاؤنٹ سے دھمکی آمیز پوسٹ شیئر ہونے پر ایف آئی اے نے تحقیقات کا آغاز کردیا ہے اور اس حوالے سے سائبر کرائم ونگ، اسلام آباد کے سینیئر افسران سمیت 4 افراد پر مشتمل ٹیم تشکیل دے دی گئی ہے۔
ایف آئی اے ذرائع کے مطابق سائبر کرائم ونگ ٹیم بانی چیئرمین سے تحقیقات کرنے کے لیے اڈیالہ جیل روانہ ہوچکی ہےجہاں عمران خان سے تفتیشی و تکنیکی افسران پر مشتمل ٹیم ان سے پوچھ گچھ کرے گی۔
یہ بھی پڑھیے: تفتیشی ٹیم کو دھمکیاں دینے پر عمران خان کیخلاف رپورٹ درج
بانی پی ٹی آئی سے یہ انٹروگیشن ان کے اپنے ایکس اکاؤنٹ سے دھمکی آمیز پوسٹ کیے جانے پر کی جا رہی ہے۔
سابق وزیراعظم عمران خان کا اڈیالہ جیل سے پاکستانی قوم کے نام پیغام:
1-
ملکی تاریخ میں یہ پہلی مرتبہ نہیں کہ فرد واحد اپنی طاقت بچانے کے لیے پورے ملک کو داؤ پر لگا دے۔ یحیی خان نے بھی اپنی طاقت بچانے کے لئے عوامی لیگ اور شیخ مجیب الرحمن کو دھوکہ دیا تھا۔ حمود الرحمان کمیشن…
— Imran Khan (@ImranKhanPTI) September 12, 2024
ذرائع کا کہنا ہے کہ بانی پی ٹی آئی کے اپنے آفیشل ایکس اکاؤنٹ سے شیئر کی گئی پوسٹ انتہائی متنازع نوعیت کی ہے۔
