بل گیٹس کی بیٹی فیب گیٹس نے کورونا ویکسین سے متعلق اپنے والد کے گرد چلنے والی منفی خبروں پر بات کرتے ہوئے کہا کہ ان کی وجہ سے وہ اپنے دوست کھو بیٹھی تھیں کیونکہ وہ یہ سمجھتے تھے کہ کورونا وبا کے دوران لاکھوں لوگوں کی جانیں ان کے والد کی وجہ سے ضائع ہوئیں۔
نیٹ فلیکس کی نئی سیریز میں فیب گیٹس نے کہا کہ کورونا وبا کے دوران ان کے والد سے متعلق چلنے والی منفی افواہوں اور خبروں نے ان کی زندگی کو بہت متاثر کیا، ان کے دوستوں نے ان کے ساتھ تعلقات کو ختم کردیا تھا، جس کی وجہ سے والد سے بھی میرے تعلقات خراب ہوئے۔
مزید پڑھیں: کیا بل گیٹس کے داماد نے مصر کے خرچے پر پیرس اولمپکس میں حصہ لیا؟
جب فیب گیٹس سے سوال کیا گیا کہ کیا آپ کو اپنے والد سے متعلق کوئی سازشی تھیوری ملی ہے؟ اس پر جواب دیتے ہوئے انہوں نے کہا کہ لوگوں نے یہ باتیں پھیلائیں کہ کورونا ویکسین میں کوئی مائیکروچپ ڈالی گئی ہے جس سے لوگوں کو ٹریک کیا جائے گا، اس میں کیا حقیقت ہوسکتی ہے۔
انہوں نے کہا کہ لوگوں نے مجھ سے قطع تعلق کرنے کی کوشش کی لیکن اب میں ان کے اس رویے سے متاثر نہیں ہوتی کیونکہ میں نے لوگوں کو جانچنا شروع کردیا ہے، اب میں لوگوں کے رویے کو سمجھ سکتی ہوں۔
یہ بھی پڑھیں: مصنوعی ذہانت کا سیاست اور سائبر حملوں میں استعمال، بل گیٹس نے خبردار کردیا
ان کا مزید کہنا تھا کہ اس وقت لوگ اس طرح کی افواہیں پھیلا سکتے تھے کیونکہ وہ گھروں میں رہ کر تنگ آگئے تھے، باہر نکلنے اور بیماری کے ڈر سے خوفزدہ تھے تو اس لیے افواہوں پر یقین کرلیتے تھے۔
واضح رہے فیب، بل گیٹس اور ان کی سابقہ بیوی میلنڈا فرنچ گیٹس کی سب سے چھوٹی بیٹی ہیں۔
