سوشل میڈیا پر ایک بچے کی ویڈیو وائرل ہورہی ہے جس میں وہ بھرپور اعتماد کے ساتھ پولیس سے شکایت کرتے ہوئے مطالبہ کر رہا ہے کہ مرغی چور کو پکڑو۔
وائرل ویڈیو میں اسکول یونیفارم پہنے ایک بچہ پنجابی زبان میں مرغی چوری ہونے کی شکایت کر رہا ہے اور پولیس اہلکار پر زور دے رہا ہے کہ وہ ملزم کے خلاف کارروائی کرے۔
پولیس اہلکار کی جانب سے بچے کو کہا گیا کہ اگر کارروائی کرنی ہے تو پرچہ کٹوانا پڑے گا جس پر بچہ بے ساختہ پوچھتا ہے کہ پرچہ کٹوانے کے کتنے پیسے لگیں گے؟ جس پر پولیس اہلکار اسے بتاتا ہےکہ پرچہ کٹوانے کے لیے کوئی رقم خرچ نہیں کرنی پڑتی۔
یہ بھی پڑھیں: ’اسلام آباد پولیس کو پنجاب پولیس بننے سے روکا جائے‘، رشوت لینے کی ویڈیو پر تنقید
اس دوران بچہ پولیس اہلکار کو بتاتا ہے کہ اس سے قبل یہاں ایک دوسرا پولیس افسر تھا جو اس کا دوست تھا، اور بچے نے اس سے چوزے چوری ہونے کی شکایت کی تھی جس پر افسر نے کارروائی کرتے ہوئے ملزم کو پکڑ لیا تھا۔
بچے نے پولیس اہلکار کو کہا کہ جب وہ اس کی طرف پانی بھرنے آئے گا تو وہ ملزم کی نشاندہی کردے گا۔ سوشل میڈیا صارفین کی جانب سے بچے کے اعتماد اور معصومیت کی خوب تعریف کی جارہی ہے اور صارفین پنجاب پولیس سے مطالبہ کر رہے ہیں کہ بچے کی مرغی بازیاب کرائی جائے۔
عاصمہ مغل لکھتی ہیں کہ ’کیا اعتماد ہے بچے کا‘۔
کیا کانفیڈینس ہے۔ بچے کا۔۔
بچہ پولیس کو مرغی چوری کی شکایت درج کرا رہا ہے 😃 pic.twitter.com/6ci89brHmt— Asma Mughal (@Real_A14) September 25, 2024
ایک صارف نے کہا کہ ہم سے زیادہ تو اس بچے کے پولیس ڈیپارٹمنٹ میں تعلقات ہیں۔
ہم سے زیادہ تو اس بچے کے پولیس ڈیپارٹمنٹ میں تعلقات ہیں 😅 pic.twitter.com/9oZHRTBFHz
— Ayesha Ali Bhutta (@ayeshabhutta01) September 25, 2024
ایک ایکس صارف نے لکھا کہ بچے کو بھی معلوم ہے کہ پیسے دے کر پرچہ درج ہوتا ہے۔
بچے کو بھی معلوم ہے کہ پیسے دے کر پرچا ہوتا ہے 😅 https://t.co/eSncLPYYhe
— RYK TIMES (@RYKTimes) September 25, 2024
اسامہ زاہد لکھتے ہیں کہ اس ویڈیو میں سب سے دلچسپ اور فکرانگیز بات یہ ہے کہ بچہ ایف آئی آر کروانے کے پیسے پوچھ رہا ہے، یہ ہمارا نظام اور نظام کا اصل چہرہ ہے۔ ان کا مزید کہنا تھا کہ محترم پنجاب پولیس آنے والی نسلوں کے ذہنوں میں پولیس بطور ادارہ اپنا کیا امیج بنارہی ہے؟
بچے کی مرغی چوری ہوگئی ہے اور وہ پولیس والے سے درخواست کررہاہے۔۔۔!!!!
لیکن اس ویڈیو میں سب سےزیادہ دلچسپ اور فکرانگیز بات یہ ہے کہ بچہ ایف آئی آر کروانے کے پیسے پوچھ رہاہے
یہ ہمارا نظام اور نظام کا اصل چہرہ ہے@OfficialDPRPP
محترم پنجاب پولیس و ذمہ داران کیا اس کلچر کے خاتمے… pic.twitter.com/daVxZZ3iO3— Usama Zahid اسامہ زاہد (@ranausamazahid) September 25, 2024
