پاکستان تحریک انصاف (پی ٹی آئی) نے جسٹس منصور علی شاہ کی عدم موجودگی میں پریکٹس اینڈ پروسیجر کمیٹی کے اقدامات کو سپریم کورٹ میں چیلنج کردیا۔
اس حوالے سے پی ٹی آئی کے ایڈیشنل سیکریٹری جنرل فردوس شمیم نقوی نے وکیل علی ظفر کے ذریعے درخواست دائر کردی ہے۔
یہ بھی پڑھیں: پریکٹس اینڈ پروسیجر ترمیمی آرڈیننس کیخلاف درخواست کے قابل سماعت ہونے سے متعلق فیصلہ محفوظ
درخواست میں استدعا کی گئی ہے کہ چیف جسٹس قاضی فائز عیسیٰ اور جسٹس امین الدین پر مشتمل کمیٹی کے 23 ستمبر اور یکم اکتوبر کے فیصلوں کو غیر قانونی قرار دیا جائے۔
درخواست گزار نے23 ستمبر اور یکم اکتوبر کے فیصلوں کے تناظر میں عدالتی کارروائی، حکم نامے اور اقدامات کو غیر قانونی قرار دیے جانے کی بھی استدعا کی۔
سیکریٹری داخلہ ارو رجسٹرار سپریم کورٹ کو بھی فریق بنایا گیا ہے۔
