انگلینڈ کے خلاف ملتان میں کھیلے گئے دوسرے ٹیسٹ میچ میں 152 رنز کی شاندار کامیابی کے بعد بلے باز بابر اعظم اور فاسٹ بؤلر شاہین شاہ آفریدی نے ٹیم کے لیے سوشل میڈیا ویب سائیٹ ایکس پر خصوصی پیغام دیا ہے۔
Fantastic win at home!
Congratulations to Pakistan
Noman Ali and Sajid khan were exceptional, along with a dream debut for Kamran Ghulam and massive contribution from Salman Ali Agha. Keep it going, Inshallah! 🙌🏻🏏— Shaheen Shah Afridi (@iShaheenAfridi) October 18, 2024
سابق کپتان بلے باز بابر اعظم نے اپنے پیغام میں کہا ہے کہ بہت اچھا، ٹیم پاکستان، مجھے حیرت انگیز جیت، شاندار کوشش اور جذبے پر فخر ہے۔
Well done, team!
Fantastic win. Proud of the effort and spirit. 🇵🇰👏 pic.twitter.com/TYruIjEF9u
— Babar Azam (@babarazam258) October 18, 2024
شاہین شاہ آفریدی نے اپنے پیغام میں لکھا کہ گھر میں شاندار جیت پاکستان کو مبارکباد۔ نعمان علی اور ساجد خان نے غیر معمولی کارکردگی کا مظاہرہ کیا جبکہ کامران غلام نے ڈریم ڈیبیو اور سلمان علی آغا نے جیت میں شاندار کردار ادا کیا۔ اسے جاری رکھیں، ان شا اللہ۔
مزید پڑھیں:3 سال بعد گھر میں پہلی ٹیسٹ فتح، پاکستان نے انگلینڈ کو دوسرے ٹیسٹ میں 152 رنز سے ہرا دیا
واضح رہے کہ پاکستان نے انگلینڈ کے خلاف 3 ٹیسٹ میچز کی سیریز کے دوسرے میچ میں 152 رنز سے فتح حاصل کرکے سیریز 1-1 سے برابر کردی ہے۔ پاکستان کے 297 رنز کے ہدف کے جواب میں انگلینڈ کی پوری ٹیم دوسری اننگز اور میچ کے چوتھے روز 144 رنز بنا کر آؤٹ ہوگئی۔ پاکستان کے ساجد خان کو پلیئر آف دی میچ قرار دیا گیا۔ پاکستان کی 3 سال بعد ہوم گراؤنڈ پر اور مسلسل 6 میچوں کے بعد کسی ٹیسٹ میچ میں یہ پہلی فتح ہے۔
