راولپنڈی میں کھیلے جانے والے تیسرے ٹیسٹ میچ کے لیے قومی ٹیم کا اعلان کردیا گیا، تیسرے ٹیسٹ کے لیے پلیئنگ الیون میں کوئی تبدیلی نہیں کی گئی۔ سلیکشن کمیٹی نے قومی ٹیم کا وننگ کمبینیشن برقرار رکھا ہے۔
تیسرے ٹیسٹ میں قومی ٹیم کی قیادت شان مسعود کریں گے۔ کامران غلام، صائم ایوب عبدللہ شفیق، نائب کپتان سعود شکیل، محمد رضوان، سلمان علی آغا، عامر جمال، نعمان علی، ساجد خان اور زاہد محمود پلیئنگ الیون میں شامل ہیں۔
خیال رہے انگلینڈ اور پاکستان کے درمیان 3میچوں کی سیریز میں اب تک دونوں ٹیمیں ایک ایک میچ جیت چکی ہیں، پہلے ٹیسٹ میچ میں انگلینڈ نے پاکستان کو شکست دی، دوسرے میچ میں پاکستان نے کم بیک کرتے ہوئے انگلینڈ کو ہرا دیا۔ تاہم، اب تیسرا میچ فیصلہ کن ثابت ہوگا۔
