وزیراعلیٰ پنجاب مریم نواز شریف نے معروف اداکارہ نرگس پر شوہر کے تشدد کا نوٹس لے لیا۔ مسلم لیگ ن کی رہنما اور رکن پنجاب اسمبلی نے وزیراعلیٰ پنجاب کی ہدایت پر اداکارہ نرگس سے ملاقات کی۔ انہوں نے کہا کہ تشدد کے ایسے واقعات کسی بھی طور پر قبول نہیں۔ انہوں نے یقین دلایا کہ نرگس کو ہر صورت میں انصاف فراہم کیا جائے گا۔
بعد ازاں میڈیا سے گفتگو کرتے ہوئے حنا پرویز بٹ نے کہا کہ خواتین پر کسی بھی قسم کا تشدد کو مریم نواز صاحبہ نے اپنی ریڈ لائن قرار دیا ہے۔
وزیراعلی پنجاب مریم نواز صاحبہ نے فلمسٹار نرگس پر تشدد کا فوری نوٹس لیا، ان کی ہدایت پر میں نے نرگس سے ملاقات کی ، تشدد کے ایسے واقعات بالکل بھی قابل قبول نہیں ہیں، نرگس کو ہر صورت انصاف فراہم کیا جائے گا pic.twitter.com/t4vPMSKuqT
— Hina Parvez Butt (@hinaparvezbutt) November 1, 2024
واضح رہے کہ
پاکستان کی معروف اسٹیج اداکارہ نرگس پر تشدد کرنے کے الزام میں ان کے شوہر کے خلاف مقدمہ درج کرلیا گیا۔
لاہور پولیس کے مطابق پولیس کی جانب سے اداکارہ غزالہ عرف نرگس کی مدعیت میں شوہر ماجد بشیر کے خلاف تھانہ ڈیفنس سی میں مقدمہ درج کیا گیا ہے۔ مقدمے میں تشدد اور گن پوائنٹ پر جان سے مارنے کی دفعات شامل کی گئی ہیں۔
یاد رہے کہ نرگس پر ان کے شوہر کے مبینہ تشدد کی اطلاع اداکارہ کے بھائی خرم بھٹی نے ون فائیو پر دی تھی جس کے بعد پولیس ایڈن سٹی میں واقع اداکارہ کے گھر پہنچی۔
پولیس کےمطابق اداکارہ نرگس کو ان کےشوہر انسپکٹر ماجد بشیر نے مبینہ تشدد کا نشانہ بنایا ہے۔ دونوں میاں بیوی میں پیسوں کے معاملے پر جھگڑا ہوا۔
نرگس کےبھائی کا کہنا ہے کہ انسپکٹر ماجد بشیر روانہ ان کی ہمشیرہ پر تشدد کرتا ہے۔ اداکارہ نے چند برس پہلے انسپکٹر ماجد بشیر سے شادی کی تھی جس کے بعد انہوں نے شوبز کی دنیا کو خیر باد کہہ کر بیوٹی سیلون کا کام شروع کیا تھا۔
