پنجاب کے نگران وزیراعلیٰ کے تقرر کے لیے پاکستان تحریک انصاف (پی ٹی آئی) سابق چیف سیکرٹری ناصرکھوسہ، ماہر قانون پرویز حسن اور سابق چیف سیکرٹری اعظم سلمان کے نام پر غور کر رہی ہے۔
لاہور میں عمران خان کی زیرصدارت پی ٹی آئی کی لیڈرشپ کا اجلاس ہوا جس میں نگران وزیراعلیٰ کے تقرر کے لیے پی ٹی آئی قیادت کی مشاورت ہوئی، اجلاس میں نگران وزیراعلیٰ کے لیے 3 نام زیرغور آئے جن میں سابق چیف سیکرٹری ناصرکھوسہ، ماہرقانون پرویز حسن اور سابق چیف سیکرٹری اعظم سلمان کا نام بھی زیر غور آیا۔
ذرائع کے مطابق ان ناموں پر وزیراعلیٰ پنجاب پرویز الہٰی سے بھی مشاورت کی جائےگی، پی ٹی آئی قیادت کل تک ان ناموں سےمتعلق حتمی فیصلےکرلےگی، متعلقہ شخصیات سے رابطےکرکے ان کی رائے بھی لی جائےگی۔
اپوزیشن لیڈرکے ساتھ مشاورت میں پی ٹی آئی حتمی طورپر 2 نام تجویز کرےگی، کوشش ہوگی کہ ن لیگ کے ساتھ نگران وزیراعلیٰ کےنام پر اتفاق ہو۔
علاوہ ازیں اجلاس میں عمران خان نے ڈویژنل لیول پر ٹکٹوں کی تقسیم سے متعلق 2 دن میں پارلیمانی بورڈ تشکیل دینےکی ہدایت کی۔
ڈویژنل پارلیمانی بورڈز ایک ہفتے میں شارٹ لسٹڈ امیدواروں کی لسٹ سینٹرل پارلیمانی بورڈ کو جمع کرائیں گے۔
اجلاس میں مشکل وقت میں پارٹی کے ساتھ بے ایمانی کرنے والے لوگوں کو بلیک لسٹ کرنےکا بھی فیصلہ کیا گیا۔
اجلاس میں فیصلہ کیا گیا کہ خواتین اور اقلیتوں کی مختص سیٹوں پربھی کارکردگی اور پارٹی کے ساتھ وفاداری کا خیال رکھا جائےگا۔
