زمبابوے کے خلاف ٹی20 سیریز کے پہلے میچ میں قومی کرکٹ ٹیم کے فاسٹ بولر حارث رؤف نے اہم اعزاز اپنے نام کرلیا۔
سلمان علی آغا کی قیادت میں کھیلا گیا پہلا ٹی20 میچ قومی کرکٹ ٹیم نے 57 رنز سے جیت لیا، جس کے بعد شاہینوں کو سیریز میں 0-1 کی برتری حاصل ہوگئی ہے۔
.@HarisRauf14 soars to the top! 🔝🥇
Pakistan’s leading wicket-taker in T20Is 💪#ZIMvPAK | #BackTheBoysInGreen pic.twitter.com/X30xgkbBJm
— Pakistan Cricket (@TheRealPCB) December 1, 2024
یہ بھی پڑھیں زمبابوے کو 57 رنز سے شکست، پاکستان نے پہلا ٹی20 جیت لیا
آج کے میچ میں فاسٹ بولر حارث رؤف نے 2 وکٹیں حاصل کیں، جس کے بعد وہ ٹی20 فارمیٹ میں پاکستان کے سب سے زیادہ وکٹیں لینے والے کھلاڑی بن گئے ہیں، اب ان کی کل وکٹیں 109 ہوگئی ہیں۔
اس سے قبل قومی ٹیم کے آل راؤنڈر شاداب خان اور حارث رؤف 107 وکٹیں حاصل کرکے برابر تھے، تاہم آج حارث رؤف ان سے آگے نکل گئے ہیں۔
یہ بھی پڑھیں پاکستان نے زمبابوے کو تیسرے اور فیصلہ کن ون ڈے میں 99 رنز سے ہراکر سیریز جیت لی
واضح رہے کہ آج کے میچ میں قومی ٹیم کی قیادت سلمان علی آغا نے کی، محمد رضوان نے آج کے میچ میں حصہ نہیں لیا۔
