بالی ووڈ اداکار ابھیشیک بچن کچھ عرصے سے اپنی ازدواجی زندگی کے حوالے سے خبروں میں ان ہیں۔ ان کی اپنی اہلیہ ایشوریا رائے سے علیحدگی کی افواہیں زوروں پر ہیں، اسی دوران ابھیشیک بچن کا شادی شدہ افراد کو اپنی بیویوں سے متعلق دیا گیا مشورہ وائرل ہو گیا ہے۔
ابھیشیک بچن نے گزشتہ رات ممبئی میں فلم فیئر او ٹی ٹی ایوارڈز 2024 میں شرکت کی، ایوارڈ شو کے دوران ابھیشیک بچن کی میزبان کے ساتھ ہونے والی گفتگو وائرل ہورہی ہے۔
یہ بھی پڑھیں: ’ہرگز سمجھوتا نہ کریں‘ ایشوریا رائے کا خواتین کو پیغام
میزبان نے ابھیشیک سے سوال کیا کہ آپ اتنی اچھی پرفارمنس دیتے ہیں کہ ناقدین بھی لاجواب ہوجاتے ہیں اور کچھ کہہ نہیں پاتے، آپ ایسا کیسے کرلیتے ہیں؟ جس پر ابھیشیک نے کہا کہ اس میں ان کا کوئی کمال نہیں بلکہ جو ڈائریکٹر کہتا ہے ہم وہی کرتے ہیں۔
تاہم میزبان نے اس جواب کا بیوی کی بات ماننے سے موازنہ کیا جس پر ابھیشیک نے کہا تمام شادی شدہ مردوں کو بیوی کی بات ماننی چاہیے، جو بیوی کہے اس کی بات مانیں اور وہی کریں۔
View this post on Instagram
واضح رہے کہ ایشوریا نے حال ہی میں انسٹاگرام پر ارادھیا کی 13ویں سالگرہ کی تقریب کی تصاویر شیئر کی تھیں تاہم ان تصاویر میں بھی ابھیشیک موجود نہیں تھے، اس کے بعد ابھیشیک بچن اور ایشوریا رائے کی شادی سے متعلق چہ مگوئیاں بڑھ گئیں۔
یہ بھی پڑھیں: ایشوریا اور ابھیشیک کے درمیان طلاق، امیتابھ بچن نے خاموشی توڑ دی
لیکن تقریب کی ایک ویڈیو سوشل میڈیا پر وائرل ہوئی جس میں ابھیشیک کو اپنی بیٹی ارادھیا کے ایونٹ پلانرز کا شکریہ ادا کرتے ہوئے دیکھا جا سکتا ہے۔
ویڈیو میں ابھیشیک کو کہتے سنا جاسکتا ہے کہ جتن، آپ کا بہت شکریہ، 13 سال ہو چکے ہیں، آپ ہر سال ارادھیا کی سالگرہ کا شاندار اہتمام کرتے ہیں، اس دن کو اتنا خاص بنانے کے لیے آپ کا شکریہ۔
View this post on Instagram
خیال رہے کہ ایشوریا رائے اور ابھیشیک بچن کے درمیان طویل عرصے سے اختلافات کی خبریں عام ہیں تاہم اس کے باوجود اس جوڑے کی جانب سے طلاق کی افواہوں کی تردید و تصدیق سامنے نہیں آئی۔
