انگلینڈ کی کرکٹ ٹیم کے سابق کپتان اورمایہ نازبیٹرکیون پیٹرسن نے فیفا فٹ بال ورلڈ کے سعودی عرب میں انعقاد پرانتہائی خوشی اورمسرت کا اظہار کرتے ہوئے کہا ہے کہ کیا ہی شانداربات ہے کہ ایک اورفٹ بال ورلڈ کپ مشرق وسطیٰ میں ہونے جا رہاہے۔
یہ بھی پڑھیں:پاکستان کو فٹبال ورلڈ کپ کوالیفائر میں سعودی عرب کے ہاتھوں شکست
جمعرات کو سماجی رابطے کی ویب سائٹ ’ایکس ڈاٹ کام‘ پراپنی ایک پوسٹ میں انگلینڈ کی کرکٹ ٹیم کے سابق کپتان اوربلے بازکیون پیٹرسن نے فیفا فٹ بال ورلڈ کپ 2034 کے سعودی عرب میں انعقاد پرخوشی کا اظہارکیا اورکہا کہ کیا ہی شانداربات ہے کہ مشرق وسطیٰ میں ایک اور فٹ بال ورلڈ کپ ہونے جا رہا ہے۔
Another football World Cup in the Middle East – BRILLIANT!
It’ll be another tournament just like Qatar, where boys, girls, mums and dads can go and enjoy the festival without hooliganism!
I loved the Qatar experience!
— Kevin Pietersen🦏 (@KP24) December 12, 2024
کیون پیٹرسن نے لکھا کہ مشرق وسطیٰ میں یہ قطر کی طرح ایک اور ٹورنامنٹ ہوگا، جس میں لڑکے، لڑکیاں، ماں اور باپ بغیر دھنگے فساد کے ایک تہوار سے لطف اندوز ہوسکیں گے۔
کیون پیٹرسن نے قطر میں دسمبر 2022 کے فٹبال ورلڈ کپ کے خوشگوار اور پر لطف تجربے کا ذکر بھی کیا اور لکھا کہ ’مجھے قطر کا تجربہ بہت پسند آیا‘۔
واضح رہے کہ اس سے قبل پرتگال کے فٹبال اسٹار اور سعودی کلب النصر کے کھلاڑی کرسٹیانو رونالڈو نے فٹبال ورلڈ کپ 2034 کے لیے سعودی عرب کی میزبانی کی بھرپور حمایت کی تھی۔
یہ بھی پڑھیں:سعودی عرب میں فٹبال کی تاریخ کا بہترین ورلڈ کپ ہوگا، رونالڈو
پرتگال اور سعودی کلب النصر کے اسٹار فٹبالرکرسٹیانو رونالڈو نے 2034 کے فٹبال ورلڈ کے بارے میں اظہار خیال کرتے ہوئے کہا کہ یہ فٹبال کی تاریخ کا بہترین ورلڈ کپ ہوگا۔
رونالڈو نے سماجی رابطے کی ویب سائٹ ’ایکس‘ پر ایک ویڈیو شیئر کی ہے جس میں انہیں کہتے سنا جاسکتا ہے کہ سعودی عرب میں انفرااسٹرکچر، اسٹیڈیمز، شائقین کے لیے کنڈیشنز سمیت سب کچھ شاندار ہے، اسی لیے میں اس بات پر قائل ہوا ہوں کہ 2034 کا ورلڈ کپ تاریخ کا بہترین ورلڈ کپ ہوگا۔
واضح رہے کہ سعودی عرب فیفا ورلڈ کپ 2034 کی میزبانی کرے گا، ورلڈ کپ 2034 کی میزبانی کے بارے میں مہینوں سے جاری قیاس آرائیوں کا اس وقت خاتمہ ہوا، جب بدھ کو فیفا نے ٹورنامنٹ کے انعقاد کا اعزازسعودی عرب کو دیا۔
مزید پڑھیں: 2034 کے فٹبال ورلڈ کپ کی میزبانی، سعودی عرب نے نامزدگی فائل پیش کردی
فٹ بال کی عالمی گورننگ باڈی فیڈریشن انٹرنیشنل دی فٹ بال ایوسی ایشن(فیفا) نے بدھ کو سعودی عرب کو فیفا ورلڈ کپ 2034 کے میزبان ملک کے طور پرتصدیق کردی۔
’فیفا‘ فٹ بال ورلڈ کپ کے انعقاد کو اگرچہ ابھی ایک دہائی باقی ہے لیکن اس کی میزبانی مشرق وسطیٰ کے انتہائی اہم ملک سعودی عرب کو ملنے پر جہاں سعودی عرب میں جشن کا سماں ہے وہیں دُنیا بھر میں فیفا کے اس فیصلے کو انتہائی سراہا جا رہاہے۔
