پاکستان علما کونسل کے سربراہ حافظ محمد طاہر محمود اشرفی نے کہا ہے کہ مدارس کی رجسٹریشن پر کوئی سمجھوتہ ممکن نہیں ہے۔
یہ بھی پڑھیں:مدارس کی رجسٹریشن سے متعلق بے بنیاد پروپیگنڈا کیا جارہا ہے، حافظ طاہر اشرفی
اپنے ایک بیان میں طاہر اشرفی کا کہنا ہے کہ اختلاف اس بات پر ہے کہ جو مدارس وزارت تعلیم کے ساتھ منسلک ہو گئے ہیں ان کے حوالہ سے کسی قسم کی منفی قانون سازی نہ ہو۔
حافظ محمد طاہر محمود اشرفی کے مطابق مدارس اپنا آڈٹ بھی کرواتے ہیں اور مدارس کے حسابات سب کے لیے کھلے ہیں۔ اگر کوئی مدارس کے حسابات کو چیک کرنا چاہتا ہے تو مدارس کو کیا اعتراض ہو سکتا ہے۔
پاکستان علما کونسل کے سربراہ کا کہنا ہے کہ کسی بھی عالمی قوت کو پاکستان کے نظام میں مداخلت کا حق نہیں ہے اور نہ ہی کوئی عالمی قوت پاکستان کے مدارس کے نظام میں مداخلت کر سکتی ہے۔
یہ بھی پڑھیں:مدارس پر کوئی بیرونی سازش نہیں ہورہی، علامہ طاہر اشرفی
ان کا کہنا ہے کہ فیٹف کے حوالہ سے ماضی میں بھی مدارس سے کوئی شکایت نہ تھی اور نہ ہی اب ہے۔
حافظ محمد طاہر محمود اشرفی کے مطابق گالی گلوچ اور الزام تراشی سے مدارس کے مسائل حل نہیں ہوں گے۔
