سماجی رابطے کی ویب سائٹ ’ایکس‘ کے سی ای او ایلون مسک نے صارفین کو ہیش ٹیگز استعمال کرنے سے روکا ہے، جس کے بعد انٹرنیٹ پر متعلقہ معاملات اور پلیٹ فارم کے الگورتھم پر ایک نئی بحث چھڑ گئی ہے۔
ایک صارف نے ایکس کے اے آئی ٹول ’Grok‘ کے تاثرات کی بنیاد پر ہیش ٹیگز پر اپن رائے کا اظہار کیا تھا۔ اس پوسٹ کے جواب میں ایلون مسک نے پلیٹ فارم پر ہیش ٹیگز کے استعمال کی مذمت کرتے ہوئے انہیں غیر ضروری اور جمالیاتی طور پر ناخوشگوار قرار دیا۔
یہ بھی پڑھیں: جی میل کے لیے خطرے کی گھنٹی، ایلون مسک کی ’ایکس میل‘ میدان میں
ایلون مسک نے لکھا، ’براہ کرم ہیش ٹیگز کا استعمال بند کریں، سسٹم کو اب ان کی ضرورت نہیں ہے اور وہ (ہیش ٹیگز) بھدے نظر آتے ہیں‘۔
Please stop using hashtags. The system doesn’t need them anymore and they look ugly. https://t.co/GKEp1v1wiB
— Elon Musk (@elonmusk) December 17, 2024
ایلون مسک کی پوسٹ پر ایکس صارفین کی ایک بڑی تعداد نے اپنے رد عمل کا اظہار کیا۔ متعدد صارفین نے ’ایکس‘ کے الگورتھم کو تنقید کا نشانہ بنایا۔ ایک ایکس صارف نے تو حد ہی کردی اور لکھا، ’ہمیں #StopUsingHashtags کو ٹرینڈ بنانا چاہیے‘۔
یہ بھی پڑھیں: ایلون مسک کی اسٹار لنک پاکستان آ رہی ہے؟
واضح رہے کہ ہیش ٹیگز کا استعمال ایلون مسک کے ’ایکس‘ (سابقہ ٹویٹر) خریدنے سے قبل سے ہی جاری ہے۔ ایلون مسک نے ایکس خریدنے کے بعد اس میں تبدیلیوں کا آغاز کیا، انہوں نے پہلے بلیو ٹک کے حوالے سے پالیسی تبدیل کی اور اب ایسا لگتا ہے کہ وہ ہیش ٹیگز کا استعمال روکنا چاہتے ہیں۔
