پاکستانی نژاد برطانوی صحافی صائمہ محسن نے اپنے پرانے دوست اور بزنس مین پیوٹر کے ساتھ رشتہ ازدواج میں منسلک ہو گئیں۔
فوٹو اینڈ ویڈیو شیئرنگ ایپ انسٹاگرام پر انہوں نے اپنی شادی کی تصاویر شیئر کرتے ہوئے لکھا کہ 12 دسمبر 2024 کو وہ اور پیوٹر رشتہ ازدواج میں بندھ گئے۔
صحافی صائمہ محسن نے مزید کہا کہ محبت سے بھرے خوشگوار دن کے موقع پر ان کے اپنے ان کے ساتھ موجود تھے۔ ان کا کہنا تھا کہ ان کی شادی کی تقریب میں قریبی خاندان والے اور دوست شریک ہوئے اور انہوں نے’قبول ہے‘ کہا۔
View this post on Instagram
دلہن نے شادی کے موقع پر گولڈ کڑھائی کے ساتھ کریم رنگ کا روایتی لباس پہنا تھا، جب کہ پولینڈ سے تعلق رکھنے والے دولہا نے پاکستانی شیروانی پہنی تھی۔
پاکستانی نژاد برطانوی صحافی صائمہ جنوبی لندن میں پیدا ہوئیں اور 2022 میں انہوں نے اسکائی نیوز میں شمولیت اختیار کی تھی۔
