کوئٹہ گلیڈی ایٹرز کو پاکستان سپر لیگ (پی ایس ایل) کا چوتھا ایونٹ جتوانے والے سابق کپتان سرفراز احمد کو اُن کی ٹیم نے ریلیز کردیا ہے۔ پی ایس ایل 9 میں سرفراز احمد کی جگہ جنوبی افریقا کے رائلی روسو کپتان تھے۔
کوئٹہ گلیڈی ایٹرز نے سرفراز احمد کو 9 برس بعد ریلیز کیا ہے اور اب وہ پہلی مرتبہ پی ایس ایل ڈرافٹ کا حصہ بنیں گے۔ پاکستان سُپر لیگ 10 کے لیے تمام 6 فرنچائزز نے برقرار رکھے جانے والے کھلاڑیوں کے ناموں کا اعلان کردیا ہے۔
مزید پڑھیں: ڈیوڈ وارنر بھی پی ایس ایل 10 میں طوفان برپا کرنے کے لیے تیار، رجسٹریشن کرا لی
پی ایس ایل قواعد کے مطابق ہر فرنچائز کو 8 کھلاڑیوں کو برقرار رکھنے کی اجازت ہوتی ہے۔ کوئٹہ گلیڈی ایٹرز نے ڈائمنڈ کیٹیگری میں محمد عامر، رائلی روسو اور ابرار احمد کو، گولڈ کیٹیگری میں سعود شکیل، عقیل حسین اور وسیم جونیئر جبکہ سلور کیٹیگری میں عثمان طارق اور اسامہ نافع کو برقرار رکھا ہے۔
#GladiatorsRetention | Season 🔟
The core remains unshaken! 💜⚔️
Our Gladiators are ready to conquer the upcoming season.
Who’s your favorite retained star? 🌟↘ 🏏🔥
1. Mohammad Amir [Mentor]
2. Rilee Rossouw
3. Abrar Ahmed
4. Saud Shakil [Brand Ambassador]
5. Akeal… pic.twitter.com/YFc4R6JFkW— Quetta Gladiators (@TeamQuetta) January 4, 2025
3 فرنچائزز اسلام آباد یونائیٹڈ، لاہور قلندرز اور کوئٹہ گلیڈی ایٹرز نے 8، آٹھ کھلاڑی برقرار رکھے ہیں جبکہ کراچی کنگز، ملتان سلطانز اور پشاور زلمی نے سات، 7 کھلاڑیوں کو برقرار رکھا ہے۔
مزید پڑھیں: پی ایس ایل 10: مقامی کھلاڑیوں کی کیٹیگری کی تجدید کردی گئی
پی ایس ایل 10 کا ڈرافٹ 11 جنوری کو ہوگا، پی ایس ایل 10 کے لیے 19 ممالک کے 510 کھلاڑیوں نے ڈرافٹ سائن کیا ہے۔ ایونٹ 8 اپریل سے 19 مئی تک کھیلا جائے گا۔
