بلوچستان کے ضلع کیچ میں سیکیورٹی فورسز کے آپریشن میں 2 دہشتگرد ہلاک ہوگئے۔
یہ بھی پڑھیں: جعفر ایکسپریس حملہ، پاکستان میں دہشتگردی کا مرکزی اسپانسر بھارت ہے، ڈی جی آئی ایس پی آر
آئی ایس پی آر کے ترجمان مطابق دہشتگردوں کی موجودگی کی اطلاع پر جمعے کے روز سیکیورٹی فورسز نے ضلع کیچ کے علاقے بلیدہ میں انٹیلیجنس کی بنیاد پر ایک آپریشن کیا جس کے دوران دہشتگردوں کے ٹھکانے کو مؤثر طریقے سے نشانہ بنایا گیا۔
اس دوران شدید فائرنگ کے تبادلہ ہوا جس کے نتیجے میں 2 دہشتگرد ہلاک ہوگئے۔
مزید پڑھیے: بنوں کینٹ پر 4 مارچ کو دہشتگردوں کا حملہ، سیکیورٹی فورسز کی بروقت کارروائی 16 خارجی ہلاک، آئی ایس پی آر
ترجمان نے بتایا کہ ہلاک ہونے والے دہشتگرد قانون نافذ کرنے والے اداروں کے ساتھ ساتھ معصوم شہریوں کے خلاف علاقے میں متعدد دہشتگردی کی سرگرمیوں میں ملوث رہے تھے۔
آئی ایس پی آر کے ترجمان کے مطابق علاقے میں موجود کسی بھی دوسرے دہشتگرد کو ختم کرنے کے لیے کلیئرنس آپریشن جاری ہے۔
مزید پڑھیں: کور کمانڈر کانفرنس: دہشتگردی کے تمام روپ ہر قیمت پر ختم کیے جانے کا عزم
ترجمان نے کہا کہ پاکستان کی سیکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔
