سعودی عرب نے حج ویزا کے بغیر مکہ شہر میں داخلے پر پابندی عائد کردی۔
تفصیلات کے مطابق 23 اپریل کے بعد سے مکہ میں داخل ہونے یا قیام کرنے کی اجازت صرف ان لوگوں کو ملے گی جن کے پاس حج ویزا یا خصوصی پرمٹ ہوگا۔
یہ بھی پڑھیے: حج 2024: قانونی دستاویزات کے بغیر حج کرنے کی اجازت نہیں ہوگی، وزارتِ حج
خصوصی پرمٹ مکہ کے مقامی شہریوں اور ان افراد کو جاری کیا جائے گا جنہیں مسجد الحرام میں کام کرنے کی اجازت ہے۔ ان پرمٹس کے لیے ’مقیم پورٹل‘ پر آن لائن درخواست جمع کرائی جاسکتی ہے۔
سعودی حکام نے زور دیا ہے کہ جن افراد کے پاس حج ویزا یا پرمٹ نہیں ہوں گے انہیں مکہ میں داخلے کی اجازت نہیں دی جائے گی۔
حکام کے مطابق عمرے کے لیے زائرین 13 اپریل تک سعودی عرب میں داخل ہوسکیں گے جبکہ 29 اپریل تک سعودی عرب چھوڑ دیں گے جس کے بعد حج کی تیاریاں شروع ہوں گی۔
