نائب وزیر اعظم اور وزیر خارجہ اسحاق ڈار نے ناروے کے وزیر خارجہ سے ٹیلیفونک رابطہ۔
ترجمان دفتر خارجہ کے مطابق وزیر خارجہ اسحاق ڈار نے ناروے کے وزیر خارجہ Espen Barth Eide سے ٹیلیفونک رابطہ کیا اور انہیں پاکستان کے متعدد شہروں پر بھارت کے غیر قانونی اور بلا اشتعال حملوں کی وجہ سے بگڑتی ہوئی علاقائی صورتحال سے آگاہ کیا۔
یہ بھی پڑھیں:بھارت کا بزدلانہ حملہ: غیر ملکی سفیروں کو نائب وزیر اسحاق ڈار کی بریفنگ
ترجمان دفتر خارجہ کے مطابق اسحاق ڈار انہیں بتایا کہ بھارتی جارحیت کے نتیجے میں کس طرح خواتین، بچوں اور بوڑھوں سمیت بے گناہ شہری شہید ہوئے ہیں۔
ترجمان دفتر خارجہ کے مطابق پاکستان نے بین الاقوامی قوانین اور اقوام متحدہ کے چارٹر کی ان خلاف ورزیوں کے پیش نظر تحمل کا مظاہرہ کیا ہے۔
ترجمان دفتر خارجہ کے مطابق اسحاق ڈار نے انہیں بتایا کہ بھارت کی وجہ سے علاقائی امن و سلامتی کو خطرہ ہے۔ حکومت پاکستان ملک کی خود مختاری اور علاقائی سالمیت کے دفاع کے لیے پرعزم ہے۔
ترجمان دفتر خارجہ کے مطابق ناروے کے وزیر خارجہ نے جاری کشیدگی پر گہری تشویش کا اظہار کرتے ہوئے شہریوں کی جانوں کے المناک نقصان پر تعزیت کا اظہار کیا۔
ترجمان دفتر خارجہ کے مطابق ناروے کے وزیر خارجہ نے پاکستان کی طرف سے دکھائے گئے تحمل کو سراہا، اور مزید تنازعات سے بچنے کے لیے کشیدگی میں کمی اور سفارت کاری کے حصول کی فوری ضرورت پر زور دیا۔
ترجمان دفتر خارجہ کے مطابق دونوں رہنماؤں نے دوطرفہ تعلقات پر بھی تبادلہ خیال کیا، ناروے کے سماجی و اقتصادی تانے بانے میں پاکستانی تارکین وطن کی مثبت شراکت کا اعتراف کیا۔
ترجمان دفتر خارجہ کے مطابق دونوں اطراف نے دوطرفہ تعاون کو مزید مضبوط بنانے اور بدلتی ہوئی صورتحال پر قریبی رابطے میں رہنے کے عزم کا اعادہ کیا۔
