بھارتی جارحیت اور جنگی ماحول کے دوران ریکارڈ مندی کے بعد پاکستان کا بھارت کو بھرپور جواب دیکھنے کو ملا اور بھارت کی جانب سے ہونے والی جارحیت کو طاقت سے روکا گیا، اس کا مثبت اثر پاکستان اسٹاک مارکیٹ پر ایسا پڑا کہ جنگ بندی کے بعد پہلے کاروباری دن ہی اسٹاک مارکیٹ نے ریکارڈ قائم کرتے ہوئے ایک ہی دن کے آغاز میں 9475 پوائنٹس کا اضافہ ہوگیا۔
پاکستان اسٹاک ایکسچیبج کی تاریخی اوپننگ سے کاروبار ایک گھنٹے کے لیے معطل کردیا گیا، پاکستان اسٹاک ایکسچیبج میں انڈیکس ٹریڈنگ کا آغاز ہی 9929 پوائنٹس کی تاریخی سطح سے ہوا، پاکستان اسٹاک ایکسچینج میں 8.48 فیصد کی ریکارڈ تیزی سے کاروبار ایک گھنٹے کے لیے معطل ہوا، کے ایس ای 100 انڈیکس 9475 پوائنٹس اضافے سے 1 لاکھ 16 ہزار 650 پوائنٹس کی حد پر معطل ہے۔
مزید پڑھیں: آپریشن کا نام ’بنیان مرصوص‘ کس نے تجویز کیا؟ وی نیوز کے سوال پر فوجی ترجمان نے کیا جواب دیا؟
ماہر اسٹاک مارکیٹ شہریار بٹ کے مطابق کاروبار کھلتے ہی انڈیکس ٹریڈنگ کا آغاز ہی 9929 پوائنٹس کی تاریخی سطح سے ہوا جس کا اندازہ پہلے سے اس لیے تھا کہ جنگ میں پاکستانی افواج نے بھارت کو شدید نقصان پہنچایا جس سے سرمایہ کاروں کا اعتماد بحال ہوا اور ہم یہی امید کر رہی تھے کیوں کہ جنگ کا اختتام پاکستان کے لیے اچھے نوٹ پر ہوا۔
ان کا کہنا تھا کہ اس سے قبل جب جنگ کے بادل مسلسل منڈلا رہے تھے تو تب ہم نے تاریخی مندی بھی دیکھی لیکن اب اسٹاک مارکیٹ میں بڑھتا ہوا رجحان دیکھنے کو ملے گا۔
