انتہائی دائیں بازو کے روس نواز اکاؤنٹس کی جانب سے اس دعوے کے ساتھ ایک تصویر گردش میں لانے کے بعد کہ فرانسیسی صدر ایمانوئل میکرون دیگر یورپی رہنماؤں کے ہمراہ کوکین سونگھ رہے ہیں، فرانس نے وضاحت کی ہے کہ ویڈیو میں موجود سفید ٹشو ناک صاف کرنے کے لیے تھا، کوکین کی پڑیا نہیں۔
یہ بھی پڑھیں: ڈونلڈ ٹرمپ اور یوکرینی صدر کے درمیان تلخ کلامی، یورپی رہنما یوکرین کے حق میں بول پڑے
یوکرین کی حمایت میں یورپی اتحاد کے مظاہرے میں فرانسیسی صدر ایمانوئل میکرون اور برطانوی وزیر اعظم سر کیئر اسٹارمر، نئے جرمن چانسلر فریڈرک مرز اور پولینڈ کے وزیر اعظم ڈونلڈ ٹسک نے ہفتے کے روز یوکرین کے دارالحکومت کیف کا دورہ کیا اور صدر ولادیمیر زیلنسکی سے بات چیت کی۔
🚨DEVELOPING: Macron, Starmer, and Merz caught on video on their return from Kiev. A bag of white powder on the table. Macron quickly pockets it, Merz hides the spoon. No explanation given. Zelensky, known cocaine enthusiast, had just hosted them. Connect the dots. pic.twitter.com/aROGuf06Nm
— Dr. Simon Goddek (@goddeketal) May 11, 2025
یورپی رہنماؤں نے روس سے کہا کہ وہ امریکی صدر ڈونلڈ ٹرمپ کی جانب سے پیر سے شروع ہونے والی 30 روزہ جنگ بندی کی کال کو قبول کرے، انہوں نے دھمکی دی ہے کہ اگر روس جنگ بندی کی پیشکش کو مسترد کر دے گا تو اس کیخلاف پابندیاں عائد کی جائیں گی۔
مزید پڑھیں: مودی کو ایک بار پھر سبکی کا سامنا، فرانسیسی صدر کا مصافحہ سے انکار
جب ٹرین کے ذریعے سفر کر رہے تھے، میڈیا کے ذریعے بنائی گئی ایک ویڈیو میں فرانسیسی صدر ایمانوئل میکرون اور جرمن چانسلر فریڈرک مرز کو برطانوی وزیر اعظم کیئر اسٹارمر کا استقبال کرتے ے ہوئے دکھایا گیا۔
مذکورہ ویڈیو کے مطابق جب وہ ایک میز کے گرد کرسیوں پر بیٹھ گئے تو صدر میکرون میز پر کوئی سفید چیز اٹھاتے ہوئے دکھائی دے رہے ہیں جبکہ فریڈرک مرز بھی میز پر کچھ جھاڑتے ہوئے دکھائی دے رہے ہیں۔
