نیو یارک کے لانگ آئی لینڈ سے تعلق رکھنے والے کلیچی ایزیہی نے 36 گھنٹے مسلسل گولف کھیل کر گنیز ورلڈ ریکارڈ قائم کرنے کی کوشش کی ہے۔
انہوں نے اتوار کی شام 6:30 بجے سے لے کر منگل کی صبح 5:30 بجے تک گولف کھیلا اور 18 ہولز کے 126 مکمل راؤنڈز مکمل کیے۔
کھیل کے دوران انہوں نے روشنی کے لیے فلیش لائٹس اور اندھیرے میں چمکنے والی گولف بالز استعمال کیں جبکہ ان کے کچھ دوست بھی معاونت کے لیے موجود تھے۔
گنیز ورلڈ ریکارڈ کے اصولوں کے تحت ہر گھنٹے میں 5 منٹ کا وقفہ دیا گیا اور ہر مکمل راؤنڈ کے بعد 20 منٹ آرام کی اجازت تھی۔
یہ بھی پڑھیں:آسٹریلوی خاتون نے 7 ہزار سے زائد پُل اپس کر کے نیا عالمی ریکارڈ قائم کر دیا
کلیچی نے اس ریکارڈ کو صرف ذاتی کامیابی کے طور پر نہیں بلکہ گولف کے کھیل میں تنوع اور شمولیت کو فروغ دینے کے مشن کے طور پر انجام دیا۔
انہوں نے کہا کہ وہ چاہتے ہیں کہ گولف میں وہ لوگ بھی شامل ہوں جو وسائل کی کمی یا معاشرتی دباؤ کی وجہ سے اس کھیل سے دور ہیں۔
اگرچہ یہ تجربہ جسمانی طور پر بہت تھکا دینے والا تھا، لیکن کلیچی نے ہمت نہیں ہاری۔
گنیز حکام کی جانب سے اگلے 12 سے 15 ہفتوں میں ویڈیوز اور گواہوں کے بیانات کی جانچ کے بعد اس ریکارڈ کی باضابطہ تصدیق کی جائے گی۔
