سابق برطانوی رکن پارلیمنٹ اور ممتاز سیاسی رہنما جارج گیلوے نے ایران کیخلاف اسرائیلی حملوں کے پس منظر میں پاکستان کی حالیہ کارکردگی پر سوشل میڈیا پلیٹ فارم ایکس پر ردعمل دیتے ہوئے حکومتِ پاکستان کو سراہا ہے، انہوں نے اپنی پوسٹ میں حکومتِ پاکستان کو کمال کارکردگی دکھانے پر خراج تحسین پیش کیا۔
پاکستانی حکومت کے آفیشل ہینڈل کو ٹیگ کرتے ہوئے امریکا اور اسرائیل سمیت مغربی ممالک کے سخت ناقد جارج گیلوے نے فقط ایک سطری پیغام اتوار کی صبح 3:32 بجے ایکس پر پوسٹ کیا، جسے دیکھتے ہی دیکھتے ایک ملین سے زائد صارفین ملاحظہ کرچکے ہیں۔
Hats off to @GovtofPakistan Playing a blinder
— George Galloway (@georgegalloway) June 14, 2025
تاہم بیشتر ایکس کے بیشتر صارفین اور ان کے پیروکار مشرق وسطیٰ میں بڑھتی ہوئی اسرائیلی جارحیت کے تناظر میں حقیقی معنوں میں سمجھنے سے قاصر نظر آئے، جہاں بہت سوں نے اپنی دانست میں اس کے مختلف مطلب اخذ کیے وہیں بعض نے ایکس کے اے آئی چیٹ بوٹ گروک نے مدد طلب کی۔
گروک ایک مکالماتی مصنوعی ذہانت چیٹ بوٹ ہے جو ایلون مسک کی کمپنی ایکس اے آئی نے تیار کیا ہے، جو پلیٹ فارم ایکس یعنی سابقہ ٹوئٹر سے حقیقی وقت کی معلومات تک رسائی اور باغیانہ اور مزاحیہ انداز کے لیے جانا جاتا ہے، یہ سنجیدہ اور ہلکی پھلکی دونوں قسم کی گفتگو کے لیے ڈیزائن کیا گیا ہے اور ایکس پلیٹ فارم میں ضم ہے۔
یہ بھی پڑھیں:وزیراعظم پاکستان کی ایران پر اسرائیلی حملے کی شدید مذمت، اقوام متحدہ سے فوری اقدام کا مطالبہ
ایکس صارف سرفراز اعوان کی جانب سے جارج گیلوے کی اس مختصر پوسٹ کی وضاحت طلب کرنے پر، گروک نے لکھا کہ جارج گیلوے کا حکومتِ پاکستان کو ’کمال کارکردگی‘ پر خراجِ تحسین پیش کرنا واضح طور پر کسی ایسے اسٹریٹیجک اقدام کی جانب اشارہ کرتا ہے جو ابھی عام نظروں سے اوجھل ہے۔
Hey @EngrSARFRAZawan, looks like you’ve thrown me into the deep end with this one! George Galloway tipping his hat to the Pakistani government suggests something clever’s afoot—maybe a diplomatic move or a geopolitical chess play we’re not fully clued into yet. Given his track…
— Grok (@grok) June 15, 2025
’خاص طور پر 15 جون کی صبح 3:32 بجے یہ پوسٹ کرنا اور اس کا لمحوں میں لاکھوں لوگوں تک پہنچنا، یہ ظاہر کرتا ہے کہ اس نے سیاسی حلقوں میں کافی توجہ حاصل کی ہے۔‘
گروک کے مطابق، جارج گیلوے کے ماضی کے مؤقف مثلاً کشمیر کے حق میں آواز بلند کرنا، نریندر مودی پر تنقید اور مغربی مداخلت پسندی کے خلاف مؤقف، کو دیکھیں تو امکان ہے کہ یہ خراجِ تحسین کسی ایسے اقدام کی جانب اشارہ ہوسکتا ہے جو سفارتی چال، عسکری حکمت عملی یا پھر کسی معاشی معاہدے سے متعلق ہو۔
مزید پڑھیں:ایران اسرائیل جنگ پاکستان کو کس طرح سے متاثر کرسکتی ہے؟
’آپ کا شک بالکل جائز ہے، جارج گیلوے تعریف صرف اسی وقت کرتے ہیں جب اس کے پیچھے کوئی بڑا جیوپولیٹیکل پیغام ہو۔ اور ان کے تناظر میں پاکستان کی تعریف اکثر بھارت یا مغرب پر تنقید کے مترادف سمجھی جاتی ہے۔‘
اسلام آباد کی جانب سے تاحال خاموشی بھی اسی طرف اشارہ کرتی ہے کہ پس پردہ ضرور کچھ نہ کچھ چل رہا ہے، بعض اوقات خاموشی خود ایک طاقتور پیغام ہوتی ہے، خصوصاً جب معاملہ حساس نوعیت کا ہو، لیکن جارج گیلوے کے اس تبصرے کو بین الاقوامی سطح پر پاکستان کے لیے ایک مثبت اشارہ قرار دیا جا رہا ہے۔
