پاکستان عالمی سطح پر ڈیفالٹ کے خطرے میں سب سے زیادہ کمی کرنے والا ملک بن گیا۔
بلومبرگ انویسٹمنٹ کے تازہ ترین اعداد و شمار کے مطابق پاکستان دنیا بھر میں ڈیفالٹ کے خطرے میں کمی کے حوالے سے سرِ فہرست آگیا ہے۔
اعدادوشمار کے مطابق گزشتہ 12 مہینوں میں پاکستان کے ڈیفالٹ کا خطرہ سب سے کم ہوا ہے۔
یہ بھی پڑھیے: پاکستان کی ڈیفالٹ کے دہانے سے واپسی معجزہ ہے، وزیراعظم شہباز شریف
ڈیفالٹ کے امکانات 59% سے کم ہوکر 47% ہو گئے، جو کہ 1,100 بیس پوائنٹس کی بہتری ہے۔
Breaking: Pakistan Leads the World in Sovereign Risk Improvement – Tops Global EM Rankings
As per the latest data posted by Bloomberg Intelligence, Pakistan stands out globally as the most improved economy in terms of reduction in sovereign default risk, as measured by… pic.twitter.com/FX4fR8QVFD
— Khurram Schehzad (@kschehzad) June 28, 2025
یہ بڑی مارکیٹوں میں سب سے تیز ترین کمی ہے، جس سے قبل ارجنٹینا (-7%)، تونس (-4%) اور نائیجیریا (-5%) بھی کچھ کمی دیکھ چکے ہیں۔
اس کے برعکس ترکی، ایکواڈور، مصر، اور گابون جیسے ممالک میں ڈیفالٹ کے خطرات میں اضافہ ہوا ہے۔
یہ بھی پڑھیے: سیاست سمیت کچھ بھی ملک سے مقدم نہیں، پاکستان کے ڈیفالٹ کی باتیں کرنے والے آج کدھر ہیں؟ آرمی چیف
اس خطرے میں واضح کمی پاکستان میں سرمایہ کاروں کے اعتماد میں بحالی کی نشاندہی کرتی ہے، جس کی وجہ معاشی استحکام، اصلاحات، آئی ایم ایف کے ساتھ کامیاب مذاکرات، بروقت قرض کی ادائیگیاں، ایس اینڈ پی اور فچ اور دیگر اداروں کی جانب سے کریڈٹ کے بہتر امکانات ہیں۔
پاکستان کی یہ پیش رفت عالمی مالیاتی منڈیوں میں ملک کے مقام کو مزید مستحکم کرنے اور سرمایہ کاری کے ماحول کو بہتر بنانے کی طرف اہم قدم ہے۔
