اٹلی نے نیدرلینڈز کے خلاف شکست کے باوجود تاریخ میں پہلی بار ٹی 20 ورلڈ کپ کے لیے کوالیفائی کر لیا ہے۔
اٹلی نے یورپ کوالیفائر 2025 ایونٹ میں بہترین کارکردگی سے 2026 میں بھارت اور سری لنکا میں منعقد ہونے والے ٹی20 کرکٹ ورلڈ کپ کے لیے کوالیفائی کرلیا۔
ٹی20 کرکٹ ورلڈ کپ میں 20 ٹیمیں شریک ہوں گی۔ آئی سی سی رینکنگ میں بہتر پوائنٹس کی وجہ سے پاکستان، نیوزی لینڈ اور آئرلینڈ نے براہ راست ایونٹ میں کوالیفائی کیا ہے جبکہ باقی 6 ٹیموں کا انتخاب ریجنل کوالیفائرز کے ذریعے ہوگا
یہ بھی پڑھیے: 2009 ٹی20 ورلڈ کپ فائنل کے لیے محمد عامر نے کیا خصوصی تیاری کی تھی؟
یورپ کوالیفائر 2025 ایونٹ میں اٹلی اور جرسی دونوں کے پوائنٹس برابر تھے، مگر نیٹ رن ریٹ کی بنیاد پر اٹلی نے اگلے مرحلے میں رسائی حاصل کی۔ اٹلی کو صرف بھاری مارجن سے شکست سے بچنا تھا، جو انہوں نے نیدرلینڈز کی 16.2 اوورز میں کامیاب تعاقب کے ذریعے یقینی بنایا۔ دلچسپ بات یہ ہے کہ اٹلی نے 15ویں اوور میں ہی اپنا ورلڈ کپ ٹکٹ کنفرم کر لیا تھا۔
