ضلع راولپنڈی میں شدید بارشوں اور طغیانی کی صورتحال کے پیش نظر ضلعی انتظامیہ نے جمعرات کے روز ایک یوم کی چھٹی کا اعلان کر دیا ہے۔ اس ضمن میں ڈپٹی کمشنر راولپنڈی نے باقاعدہ نوٹیفکیشن جاری کر دیا ہے۔
ڈپٹی کمشنر نے عوام الناس سے اپیل کی ہے کہ وہ غیر ضروری طور پر گھروں سے باہر نہ نکلیں اور اپنی حفاظت کو ترجیح دیں۔ انہوں نے کہا کہ شہر میں جاری شدید بارش کے پیش نظر نشیبی علاقوں کے مکین محتاط رہیں اور پانی کے قریب نہ جائیں۔
موسمیاتی حالات کے پیش نظر، ضلع راولپنڈی میں ایک یوم کی چھٹی
ڈپٹی کمشنر راولپنڈی نے چھٹی کا نوٹیفیکیشن جاری کر دیا
عوام الناس سے اپیل ہے کہ وہ گھروں میں رہیں اور غیر ضروری گھروں سے نا نکلے۔ ڈپٹی کمشنر راولپنڈی@CS_Punjab @CommissionerRwp @MaryamNSharif
— DC Rawalpindi (@DCRawalpindi) July 17, 2025
محکمہ موسمیات راولپنڈی کے مطابق شہر میں اب تک 199 ملی میٹر بارش ریکارڈ کی گئی ہے، جو حالیہ دنوں کی سب سے زیادہ بارش ہے۔ ترجمان ضلعی انتظامیہ کا کہنا ہے کہ بارش کا سلسلہ رات سے مسلسل جاری ہے، اور اگلے دو سے تین گھنٹوں میں مزید تیز بارش کی پیشگوئی کی گئی ہے۔
مزید پڑھیں:اسلام آباد کے بعد پنجاب میں بھی فوج طلب کرلی گئی
واسا، راولپنڈی ویسٹ مینجمنٹ کمپنی (RWMC) اور دیگر متعلقہ محکموں کی ٹیمیں فیلڈ میں موجود ہیں، جو بارش سے متاثرہ علاقوں میں نکاسیٔ آب اور صفائی کے کاموں میں مصروف ہیں۔ شہریوں سے اپیل کی گئی ہے کہ وہ ان اداروں کے ساتھ بھرپور تعاون کریں تاکہ کسی بھی ممکنہ ہنگامی صورتحال سے بچا جا سکے۔
* محکمہ موسمیات راولپنڈی کے مطابق اب تک راولپنڈی میں 199 ملی میٹر بارش ریکاڈ کی گئ ہے ۔
* واسا ، آر ڈبلیو ایم سی اور انتظامیہ کی ٹیموں کے ساتھ شہری تعاون کریں اور نشیبی علاقوں میں پانی کے نزدیک نہ جایا جاے ۔
* رات سے شروع بارش کا سلسلہ ابھی تک جاری ہے اورشہری غیر ضروری گھروں سے…— Abbas Shabbir (@Abbasshabbir72) July 17, 2025
انتظامیہ نے والدین سے خاص طور پر گزارش کی ہے کہ وہ اپنے بچوں کو بارش کے پانی سے دور رکھیں اور محفوظ مقامات پر رہیں۔
