لیبیا کی مسلح افواج کے کمانڈر انچیف لیفٹیننٹ جنرل صدام خلیفہ حفتر نے آج جی ایچ کیو راولپنڈی میں پاک فوج کے سربراہ فیلڈ مارشل سید عاصم منیر سے ملاقات کی۔
آئی ایس پی آر کے مطابق ملاقات میں باہمی دلچسپی کے امور، علاقائی صورتحال میں رونما ہونے والی تبدیلیوں، سیکیورٹی چیلنجز اور دفاعی تعاون سے متعلق معاملات پر تفصیلی تبادلہ خیال کیا گیا۔
دونوں عسکری قائدین نے دفاعی صنعت میں تعاون اور تکنیکی مہارت کے تبادلے پر اتفاق کیا تاکہ بدلتے ہوئے سیکیورٹی چیلنجز کا مؤثر انداز میں مقابلہ کیا جا سکے۔
لیفٹیننٹ جنرل صدام خلیفہ حفتر نے جی ایچ کیو آمد پر یادگارِ شہدا پر پھولوں کی چادر چڑھائی اور پاک فوج کے شہداء کو خراجِ عقیدت پیش کیا۔ ان کے اعزاز میں پاک فوج کے چاق چوبند دستے نے گارڈ آف آنر بھی پیش کیا۔
