پاکستان تحریک انصاف (پی ٹی آئی) سندھ کے صدر و سابق وفاقی وزیر علی زیدی کو کراچی میں گرفتار کرلیا گیا۔ ان کے علاوہ شہر میں پارٹی چیئرمین عمران خان کی گرفتاری کے خلاف احتجاج کرنے والے پی ٹی آئی کے 23 کارکنان بھی گرفتار کرلیے گئے۔
پی ٹی آئی سندھ میڈیا سیل کے مطابق علی زیدی کو پولیس نے کراچی کے علاقے کالا پل سے گرفتار کیا۔
جنرل سیکریٹری پی ٹی آئی سندھ مبین جتوئی نے علی زیدی کی گرفتاری کی تصدیق کی۔
علی زیدی کے علاوہ کراچی میں عمران خان کی گرفتاری کے خلاف احتجاج کرنے والے پی ٹی آئی کے 23 کارکنوں کو بھی شہر کے مختلف مقامات سے گرفتار کیا گیا ہے۔
