پاکستان اسٹاک ایکسچینج (پی ایس ایکس) میں پیر کو غیر معمولی تیزی دیکھی گئی اور بینچ مارک کے ایس ای 100 انڈیکس انٹرا ڈے ٹریڈنگ کے دوران 1,527.78 پوائنٹس یا 1.05 فیصد اضافے کے ساتھ 146,910 پوائنٹس کی بلند ترین سطح پر پہنچ گیا۔
دوپہر 3 بج کر 15 منٹ پر انڈیکس نے 1,500 سے زائد پوائنٹس کا اضافہ ریکارڈ کیا، جس میں آٹوموبائل اسمبلی، کمرشل بینکس، تیل و گیس کے شعبوں اور ریفائنریز میں نمایاں خریداریاں ہوئیں۔ اس کے علاوہ اے آر ایل، این آر ایل، ماری، پی او ایل، ایچ بی ایل، ایم سی بی، ایم ای بی ایل اور یو بی ایل کے حصص بھی مثبت زون میں ٹریڈ ہوئے۔
مزید پڑھیں: پاکستان اسٹاک ایکسچینج میں 700 پوائنٹس کا اضافہ، انڈیکس نئی بلندیوں پر
گزشتہ ہفتے کے دوران کے ایس ای 100 انڈیکس میں 4,348 پوائنٹس یا 3.1 فیصد کا اضافہ ہوا تھا اور یہ 145,383 پوائنٹس پر بند ہوا تھا۔
مارکیٹس میں توقع کی جا رہی ہے کہ ستمبر میں قریباً 90 فیصد امکانات کے ساتھ شرح سود میں کمی کی جائے گی، اور سال کے آخر تک کم از کم ایک اور کمی ممکن ہے۔
