بھارت کی مودی حکومت کی جانب سے آپریشن سندور میں بھارتی فوجی جانی نقصان سے مسلسل انکار کے باوجود، بھارتی فضائیہ نے اپنے سرکاری بیانات اور تصاویر کے ذریعے اس نقصان کی تصدیق کر دی ہے۔
سوشل میڈیا پلیٹ فارم ایکس (سابقہ ٹوئٹر) پر بھارتی فضائیہ کے آفیشل اکاؤنٹ سے جاری تصاویر میں فضائیہ کے سربراہ ایئر چیف مارشل اے پی سنگھ کو پونے کے آرٹیفیشل لمب سینٹر میں آپریشن سندور میں زخمی ہونے والے اہلکاروں سے ملاقات کرتے دکھایا گیا۔ ان زخمیوں میں کارپورل ورن کمار بھی شامل ہیں۔
Chief of the Air Staff visited the Artificial Limb Centre, Pune, wherein he met Cpl Varun Kumar who suffered injuries during Op Sindoor. He utilized this opportunity to interact with other patients and got briefed on the activities of the centre. CAS appreciated the Commandant,… pic.twitter.com/fNesw8oWj8
— Indian Air Force (@IAF_MCC) August 13, 2025
بھارتی فضائیہ نے یہ بھی تصدیق کی کہ فضائیہ کے سربراہ نے آپریشن سندور میں ہلاک ہونے والے سارجنٹ سورندر کمار کے آبائی گاؤں کا بھی دورہ کیا اور اہل خانہ سے ملاقات کی۔
Air Chief Marshal AP Singh along with Mrs Sarita Singh paid a visit to village Mehradasi in Jhunjhunu district, Rajasthan, hometown of late Sgt Surendra Kumar, who laid down his life in the line of duty during Op Sindoor. At his home, they met his mother Mrs Nanu Devi, wife Mrs… pic.twitter.com/i5tNtPeTaP
— Indian Air Force (@IAF_MCC) August 13, 2025
یہ شواہد اس وقت سامنے آئے ہیں جب چند روز قبل بھارتی وزیردفاع راج ناتھ سنگھ نے لوک سبھا میں بریفنگ کے دوران دعویٰ کیا تھا کہ آپریشن سندور میں کوئی فوجی نقصان نہیں ہوا۔
تجزیہ کاروں کے مطابق، مودی حکومت کی جانب سے جانی نقصان سے انکار اس بات کا ثبوت ہے کہ وہ ناکام حکمت عملی اور فوجی ہزیمت کو چھپانے کے لیے اپنے ہی فوجیوں کی قربانیوں کو بھی سیاسی بیانیے کی بھینٹ چڑھانے سے دریغ نہیں کر رہی۔
یہ بھی پڑھیے آپریشن سندور: بھارت نے ہلاک فوجیوں کو اعزازات دے کر اپنی شکست کا اعتراف کرلیا
بین الاقوامی سطح پر منظر عام پر آنے والے ان شواہد نے بھارتی حکومت کے بیانات کی صداقت پر سوالیہ نشان لگا دیا ہے اور یہ تاثر مزید مضبوط کیا ہے کہ آپریشن سندور کی ہزیمت چھپانے کے لیے حقائق توڑے مروڑے جا رہے ہیں۔
