صوابی کے علاقے گدون دالوڑی میں کلاؤڈ برسٹ سے ہونے والی تباہی کے بعد ریسکیو 1122 کا سرچ آپریشن مکمل ہوگیا ہے۔ ترجمان ریسکیو 1122 کے مطابق ملبے سے اب تک 41 افراد کے جسد خاکی نکالے جا چکے ہیں۔
ترجمان نے بتایا کہ سرچ آپریشن میں ہیوی مشینری اور جدید آلات استعمال کیے گئے۔ آپریشن کے دوران 13 ایمبولینسز، 3 ڈیزاسٹر وہیکل اور 2 واٹر ریسکیو یونٹس شامل تھے۔
یہ بھی پڑھیے: وزیراعظم کا سوات، بونیر، شانگلہ اور صوابی کے سیلاب متاثرہ علاقوں کا دورہ، متاثرین کے ساتھ یکجہتی کا اظہار
مزید بتایا گیا کہ 3 فائر وہیکل، ریکوری وہیکل، 5 ایکسیویٹرز اور 2 لوڈرز بھی ملبہ ہٹانے اور امدادی کاموں میں مصروف رہے۔
ریسکیو 1122 کے ترجمان کے مطابق 150 سے زائد اہلکار دن رات بلا تعطل سرچ آپریشن میں شریک رہے اور تمام دستیاب وسائل بروئے کار لائے گئے۔
