گوگل نے اپنے فلیگ شپ ایئر بڈز ’پکسل بڈز پرو 2 ‘ کے بجٹ ورژن کے طور پر ’پکسل بڈز 2 اے‘ متعارف کرا دیے ہیں۔ یہ نئی ڈیوائس ’میڈ بائی گوگل ایونٹ 2025‘ کے دوران لانچ کی گئی۔
پکسل بڈز 2 اے کا ڈیزائن پرو 2 سے کافی ملتا جلتا ہے اور ہر ایئر بڈز کا وزن محض 4.7 گرام ہے۔ اس کے ساتھ ساتھ یہ آئی پی 54 ڈسٹ اینڈ اسپلش ریزسٹنٹ ہیں، یعنی پانی اور مٹی سے تحفظ فراہم کرتے ہیں۔
یہ بھی پڑھیں: گوگل پکسل 10 سیریز کی لانچنگ سے پہلے قیمتیں اور فیچرز لیک
پرفارمنس کے لحاظ سے پکسل ایئربڈز 2 اے میں گوگل کا ٹینسر اے 1 چِپ اور 11 ملی میٹر ڈائنامک ڈرائیورز شامل ہیں جو ایکٹیو نائس کینسلیشن فراہم کرتے ہیں۔ اگرچہ یہ سائلنٹ سیل 2.0، ہیڈ ٹریکنگ اسپیشل آڈیو اور کنورسیشن ڈیٹیکشن جیسی ایڈوانس خصوصیات سے محروم ہیں۔ اس کے علاوہ ان میں وائرلیس چارجنگ، کیس میں رنگ ٹون اسپیکر، وائس ایکسیلرومیٹر اور پرو 2 کی طرح 3 کے بجائے صرف2 مائیکروفون فی بڈ موجود ہیں۔
بیٹری لائف کے اعتبار سے یہ ایئربڈز نائس کینسلیشن کے ساتھ مسلسل 7 گھنٹے تک چل سکتے ہیں، جب کہ کیس مزید 20 گھنٹے کی پاور فراہم کرتا ہے۔ تاہم انہیں صرف یو ایس بی سی کے ذریعے چارج کیا جاسکتا ہے۔
یہ بھی پڑھیں: گوگل ڈیپ مائنڈ نے جینی 3 لانچ کردیا، خصوصیات کیا ہیں؟
کنیکٹیویٹی کے لیے پکسل ایئربڈز 2 اے میں بلیوٹوتھ 5.4 اور بلیوٹوتھ سپر وائیڈ بینڈ کی سپورٹ دی گئی ہے، جبکہ ٹچ کنٹرولز اور اِن ایئر ڈیٹیکشن فیچر انہیں مزید سہل اور اسمارٹ بناتے ہیں۔
یہ ایئربڈز 130 ڈالر کی قیمت پر 9 اکتوبر 2025 سے مارکیٹ میں دستیاب ہوں گے۔ گوگل کا کہنا ہے کہ یہ ڈیوائس اپنے کم دام کے باوجود ڈیزائن اور بنیادی کارکردگی میں پرو 2 سے قریب تر تجربہ فراہم کرے گی۔
