ترجمان اسلام آباد پولیس کے مطابق چیف ٹریفک آفیسر کی ہدایت پر جاری ٹریفک انفورسمنٹ مہم کے دوران گزشتہ ہفتے سخت کارروائیاں عمل میں لائی گئیں۔
رپورٹ کے مطابق ایک ہفتے میں 1585 گاڑیوں اور موٹر سائیکلوں کے خلاف کارروائی کی گئی، جن میں سے 1112 موٹر سائیکل اور 552 گاڑیاں تھانے منتقل کی گئیں۔
ذمہ دار شہری بنیں!
سفر سے پہلے سیٹ بیلٹ لازمی باندھیں، یہ عمل حادثے کے وقت آپ کو محفوظ رکھ سکتا ہے۔#WeRIslamabadPolice #ITP #Islamabad pic.twitter.com/G5GXhTAkAO
— Islamabad Police (@ICT_Police) August 24, 2025
ٹریفک قوانین کی خلاف ورزیوں پر مختلف چالان بھی کیے گئے جن میں لین کی خلاف ورزی پر 821، بغیر لائسنس کے 114، غیر قانونی پارکنگ پر 2552، مخالف سمت میں ڈرائیونگ پر 808، فنسی نمبر پلیٹ اور سگنل کی خلاف ورزی پر 1169 جبکہ بغیر ہیلمٹ ڈرائیونگ پر 998 کارروائیاں شامل ہیں۔ اس کے علاوہ فٹنس سرٹیفکیٹ نہ ہونے پر 94 کارروائیاں کی گئیں۔
اپنے بچوں کو ڈرائیونگ لائسنس کے بغیر گاڑی یا موٹر سائیکل چلانے مت دیں۔ ٹریفک قوانین کی مکمل پابندی کریں۔#WeRIslamabadPolice #Islamabad #ITP pic.twitter.com/npwtfI1xyV
— Islamabad Police (@ICT_Police) August 25, 2025
مزید پڑھیں: اسلام آباد پولیس کی کارروائی: 380 ملزمان گرفتار، بڑی مقدار میں منشیات اور غیر قانونی اسلحہ برآمد
اوورلوڈ ہیوی ٹریفک کے خلاف بھی بڑے پیمانے پر ایکشن لیا گیا اور 4741 چالان کیے گئے۔ وفاقی دارالحکومت میں رکشہ کے داخلے پر پابندی کے باوجود 207 رکشہ جات کے خلاف کارروائی کی گئی۔
ترجمان کے مطابق ڈرون ٹیکنالوجی کے استعمال سے 60 ڈرائیوروں کو چالان جبکہ 45 کو آگاہی فراہم کی گئی۔
موٹر سائیکل چلاتے ہوئے ہیلمٹ کا استعمال ضرور کریں یہ آپ کی اپنی حفاظت کے لئے ہے۔#WeRIslamabadPolice #Islamabad #ITP pic.twitter.com/gkPWggwxEa
— Islamabad Police (@ICT_Police) August 25, 2025
چیف ٹریفک آفیسر کیپٹن (ر) حمزہ ہمایوں نے کہا کہ مہم کے دوران بلا تفریق کارروائیاں جاری رہیں گی۔ کم عمر ڈرائیورز، بغیر لائسنس ڈرائیونگ اور ون ویلنگ کے خلاف زیرو ٹالرنس پالیسی اپنائی جائے گی۔ انہوں نے شہریوں سے اپیل کی کہ ٹریفک اہلکاروں کے ساتھ تعاون کریں اور مہذب شہری ہونے کا ثبوت دیں۔
