ڈائریکٹر جنرل پی ڈی ایم اے عرفان کاٹھیا نے انکشاف کیا ہے کہ دریائے راوی میں 39 برس بعد ایک بڑا سیلابی ریلا گزر رہا ہے۔
انہوں نے بتایا کہ اس وقت سیلابی ریلا خانکی کے مقام سے گزر رہا ہے جبکہ آج رات شاہدرہ کے مقام سے بھی یہ بڑا ریلا گزرے گا۔
🚨 Flood Fury Knows No Borders
At the Sikmal-Shakargarh border, the fence dividing Pakistan and India, Which was built in Musharraf’s era & now stands drowned.
Raging waters wreak havoc on both sides, proving nature bows to no boundaries. pic.twitter.com/KDb9cxHwQG— Rizwan Shah (@rizwan_media) August 27, 2025
تاہم ان کے مطابق اس سیلابی ریلے سے بڑے پیمانے پر تباہی کا کوئی خدشہ نہیں ہے۔
ڈی جی پی ڈی ایم اے کے مطابق دریائے چناب میں ہیڈ مرالہ کے مقام پر اونچے درجے کا سیلاب ہے، جبکہ دریائے ستلج میں بھی گزشتہ دس روز سے اونچے درجے کا سیلابی ریلا جاری ہے۔
گنڈا سنگھ میں پانی کا بہاؤ دو لاکھ کیوسک سے زائد اور دریائے راوی کے جسڑ مقام پر دو لاکھ دس ہزار کیوسک ریکارڈ کیا گیا ہے۔
عرفان کاٹھیا نے مزید کہا کہ دریاؤں کے قریب رہائشی علاقوں سے پھنسے ہوئے افراد کو ریسکیو کرلیا گیا ہے اور صورتحال کو مسلسل مانیٹر کیا جا رہا ہے۔
یہ بھی پڑھیں:دریائے چناب، راوی اور ستلج میں اونچے درجے کا سیلاب، سیالکوٹ میں بارش کا 11 سالہ ریکارڈ ٹوٹ گیا
ادھر محکمہ موسمیات نے پیشگوئی کی ہے کہ ملک کے مختلف علاقوں میں مزید موسلادھار بارشیں ہوسکتی ہیں جس سے دریاؤں میں سیلابی کیفیت برقرار رہنے کا امکان ہے۔
