وزیراعلیٰ پنجاب مریم نواز نے کہا ہے کہ یہ پروپیگنڈا کیا جارہا ہے کہ سیلاب کے دوران کسی کی فیکٹری کو بچایا گیا، لیکن حقیقت یہ ہے کہ ترجیح صرف اور صرف انسانی جانوں اور آبادی کو بچانا ہے، چاہے وہ فیکٹری میری اپنی ہی کیوں نہ ہو۔
تریموں بیراج کے قریب فلڈ ریلیف کیمپ کے دورے کے دوران وزیراعلیٰ نے اسپورٹس کمپلیکس میں قائم کیمپ کا معائنہ کیا اور متاثرہ افراد سے ملاقات بھی کی۔
وزیراعلیٰ پنجاب مریم نواز شریف نے تریموں بیراج کے قریب فلڈ ریلیف کیمپ کا دورہ کیا۔ سپورٹ کمپلیکس میں قائم کیمپ کا جائزہ لیتے ہوئے ریلیف انتظامات کو بہتر بنانے کی ہدایت دی۔ وزیراعلیٰ مریم نواز نے متاثرہ مرد و خواتین سے ملاقات کی اور بچوں سے شفقت کا اظہار کیا۔انشاءاللہ سیلاب… pic.twitter.com/mth8Slwb9h
— Marriyum Aurangzeb (@Marriyum_A) September 1, 2025
اس موقع پر انہوں نے کہاکہ جہاں جہاں متاثرین کو مدد کی ضرورت ہے، وہاں حکومت پہنچے گی۔ سب سے بڑی ذمہ داری عوام کو محفوظ بنانا اور ان کی زندگیوں کو بچانا ہے۔
واضح رہے کہ ملک میں ہونے والی معمول سے زیادہ بارشوں اور بھارت کی جانب سے پانی چھوڑے جانے کے باعث پنجاب میں بڑے پیمانے پر تباہی ہوئی ہے۔ اب تک 30 سے زیادہ افراد جاں بحق جبکہ لاکھوں بے گھر ہو چکے ہیں۔
حکومت پنجاب نے سیلاب متاثرین کو یقین دہانی کرائی ہے کہ سیلاب کے باعث ہونے والے نقصانات کا ازالہ کیا جائے گا۔
